1 JOHAN 3:22 - Cho Bible Common Language 2016

²² Mikmi cu ang thukhän läk ne, ang yak hlü ah mi bilo ci kya ne, ani ah mi ng’yoih thäh phung cu mi gah ci.

1 JOHAN 3:22 Referans Kwoze

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

1 JOHAN 5:14

Amät ah ng’yak hlü ah mi ng’yoih thäh phung cu na ngaih pe gui ciah ngaih gep nak om sei, mikmi cu Khanpughi ah ma ah mi k’thamah ci.

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

SAM 34:4

Bawipa ah taigü ngä sei, ani naw nam shang ci; ka kyihkyawk nak gui ung na m’hlawt ci.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

JOHAN 8:29

Kei na tüi lawk cicu kei awn a täng ah om ci; ani ah ng’yak hlü bäng ah angtäi sei ka bik ci kyasei, ani naw kei ka mät bäng kä na nawng ci” cine m’thein gui ci.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

JOHAN 6:29

Bawipa Jesuh naw, “Khanpughi ah ang yak hlü cu amät naw a tüih law ah akchang cu nami yum vai ah kyak ci nei” cine kyak na gui ci.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

JOHAN 15:10

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

JOB 22:26

Cun kawn ah Khanpughi cu angtäi sei na ngaih gep ung, nang ah yei nak ah ang yung ah a kyak cu na hmuk khai nei.

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

1 JOHAN 2:3

Khanpughi ah thukhän cu mi läk ah a kyak ung ani mi hmat ciah akcang ah mi hmat khai.