1 JOHAN 3:16 - Cho Bible Common Language 2016

¹⁶ Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

1 JOHAN 3:16 Referans Kwoze

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

TITUS 2:13

Cun cu hlüngtai säih Khanpughi la mi Hunbawipa Jesuh Khrit ah bämang nak ang dang law nak vai ah, mi ngaih u ah yeikyai nak ah hnüüp mi ngäng nak ah kyak ci.

ROMAN 16:4

Ngah ni cu kei ah hmawk ah ani hnun gui pe ne bi bik ci goi nei. Ngah ni cu kei bäng ah kä kyak ciah khui hei chang khritha bum avan naw yei na goi ci gui nei.

1 JOHAN 2:6

Kei Khanpughi ung ka ghing ci nei, cik ciah chang cu, Bawi Jesuh Krit ah mäih ah a ghin om vai nei.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

PHILIPPIAN 2:30

Ani naw Bawi Khrit ah khuut cu a sih awng ah k’tha nah ne bik ci nei. Cun cu nang mi naw kä nami peit hlawt ah bi cu kei am ana pei vai ah hmawk ah a bi ah kyak ci nei.

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

1 THESSALONIAN 2:8

Nangmi, kami ning m’hni nak gui awn, Khanpughi ah Thu Ni ning teipai gui vai bäng ah kä kyak ciah, kami mät ah ghin nak hnun gui phi, ning teipai gui vai ah kami ng’düi ci nei. Nangmi cu ang htei ah kami ning m’hni gui ci.

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

2 KORIN 4:12

Sih nak cu keimi ung a hnün thawh ung phi ghin nak cu nangmi ung hnüntho ci.