1 JOHAN 2:7 - Cho Bible Common Language 2016

⁷ Teihpüi gui awi, tuhbäi kei naw ka guk law ah thukhän cu ak thai ah kä kyak ci; cau ak htük ge ung nangmi naw nami ng’yak pyi ah thukhän phyim ah kyak ci. Thukhän phyim cu nangmi naw nami ng’yak pyi ah thu ah kyak ci.

1 JOHAN 2:7 Referans Kwoze

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

1 JOHAN 3:11

Cau ak htük ge ung mi ng’yak ah thu Ni cu, “Mikmi cu tumat la tumat mi ng’hni tuk khai nei,” ciah kyak ci.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

THULÄÄN NAK 6:5

Bawipa na Khanpughi cu nam lung kyong avan, na ngaih-tüh avan, na thagui avan awn nam hni vai.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

1 JOHAN 2:24

Ak htük bäih ung nami ngaihyak ma ah thu Ni cu, nami m’lung kyong ung khäng khai ah nami shum vai nei. Cun ung Apa la A Htapa ung angtäi sei kawng ät ne nami ghing khai nei.

MATTHE 5:43

‘Nami teihpüi nami m’hni vai, nami gaa nami gen vai,’ ciah thukhän cu nami ng’ya pyii ci.

LAMKTU 17:19

Cun ah kyasei Paul cu kawng si yung Areopakas gawnu ah hteh püi u netah, “Nang naw na pyeinsak ah m’theithang nak ak thai ah mawng cu kami hmat tu hlük ci nei.

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

HEBRU 6:9

Cun ung phi teihpüi gui awi, cun ah thu pyein ung phi kami ning ngaih gep gui ci nei. Nangmi ung bä pi ciah m’shumphyuk nak om sei, hun nak nami khäm cu kami hmat ci nei.

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

1 JOHAN 3:21

Cun ah kyasei teihpüi gui aw, mi m’lung ngaih naw kä a nam shetkat gui ah a kyak ung, Khanpughi ah ma ah thamah ne mi om ci nei.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.

1 JOHAN 4:11

Teihpüi gui aw, Khanpughi naw cun hlawk ah a nam hni gui ah a kiak ung, mi mät phi mi ng’yum hni tuk khai nei.

1 JOHAN 4:21

Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.