1 JOHAN 2:5 - Cho Bible Common Language 2016

⁵ Cun ung phi ani ah thu läk ciah chang cu, Khanpughi am hni nak kümbe sak ci, Mikmi Khanpughi ung mi kawngät cu, acun naw ak cang ah dang sak ci.

1 JOHAN 2:5 Referans Kwoze

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

1 JOHAN 3:24

Khanpughi ah thukhän läk ciah chang cu Khanpughi ung ghing ci, Khanpughi phi ani ung ghing ci. Mikmi awn kawng ät ne Khanpughi a ghin ah mawng cu Khanpughi ah nam shumphyuk gui ah Mumcha awn mi hmat ci.

SAM 119:2

Yeikyai nak om ci gui cu a thumkhän läk ne, am lung kyong avan awn ani yum ci gui ah kyak ci.

THU PHLAAN 14:12

Khanpughi awn ng’thu k’bääi ne, Bawipa Jesuh ung bekhüt ciah Khanpughi ah chang gui cu, acun ah khin ung m’khüt näng nak vai hlü ci nei.

1 JOHAN 5:2

Mikmi naw Khanpughi cu mi m’hni ne, ang thukhän cu mi läk nak awn, Khanpughi ah hta gui mi m’hni nak cu mi hmat ci.

JOHAN 15:5

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

1 JOHAN 4:18

M’hni nak ung kyih nak kä om ci, kümbe ciah m’hni nak naw kyih nak avan näng ci. Kyih nak naw m’shetkat nak bik ciah kyasei, kyih nak om ciah chang ung m’hni nak kä kümbe hlawt ci.

SAM 119:146

Ka ning khü ci nei; Na hun ä, na thukhän cu ka k’pang khai nei.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

THU PHLAAN 12:17

Cun kawn ah shawk cu ang htei ah m’lungshe netah, k’pawih ba ciah hnuminu ah a hta ng’shon gui ah kyak ciah Khanpughi ah ng’thukhän läk ci gui la, Bawipa Jesuh ah dang sak ah düng nak ung bekhüt ci gui cu, ng’tuk püi gui khai ah ng’düi law ne hteit ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

JAMES 2:22

A yum nak la a hnünthawh nak ang cawih cu kä nami hmuhmat ci maa? A hnünthawh nak naw a yum nak cu kümbe sak ci nei.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

THUSHÄUTU 8:5

Ani ah thumkhän na ngaih ah chuih, nang cu phyawn nak om ci, cüivai ciah chang naw a i cha bi vai, a i sang ung bi vai cu hmat ci.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

NG'THU K'THUUK~ 8:32

“Tuhbäi, chang nong gui, na ngai vä. Ka pyen ah na bi vai, cun ung na yeikyai khai.

SAM 119:4

Bawipa, nang naw na thukhän cu na na pe gui ci, bekhüt ne kami läk vai ah na nam thein gui ci.

NG'THU K'THUUK~ 28:7

Thukhän läk ciah changnong cu lunglang ciah kyak ci. Kä nik ciah chang awn khawtsheng ciah chang cu, apa ah thüi nak vai ah kyak ci.

SAM 105:45

Cun ah kyasei a chang gui naw ang thumkhän cu ngai u ne, ang thumkhän avan cu ami läk vai ah kyak ci. Haleluyah. Bawipa cu m’taam vä.

1 JOHAN 4:17

M’hni nak cu mikmi ung kümbe ci kyasei, m’khoichaa nak ah Hnüüp ung mikmi cu k’thamah nak om khai nei. Cun ah a om ah mawng cu, mikmi cu khomdek khan ah mi ghin nak ung Bawi Khrit ah mäih ah mi ghin ah hmawk ah kyak ci.

2 JOHAN 1:6

Kei naw ka pyein ah m’hni nak ah mawng cu, mikmi naw Khanpughi ah thukhän läk ne mi ghin nak vai ah kyak ci nei. Nangmi nami van naw ak htük ge ung nami ng’yak ah thukhän cu, nangmi nami van cu m’hni nak ah kyong ung nami om vai nei, ciah kyak ci.