1 JOHAN 2:4 - Cho Bible Common Language 2016

⁴ Khanpughi ka hmat ci nei ci netah ang thukhän kä läk ciah chang cu, hleehlak ciah kyak ci, ani ung düng nak, cang nak ä om ci.

1 JOHAN 2:4 Referans Kwoze

1 JOHAN 1:6

Bawipa awn kami pui m’ca ci nei, ci netah hmüp khui ung mi om ah a kyak ung, mi om ih la mi thu m’gawng van awn mi hleeihlak ciah kiak khai.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

1 JOHAN 1:8

Kei ung shetkat nak kä om ci mi ciah kyak ung, mi mät naw mi mät mi m’hleei ciah kyak ci, mikmi ung düng nak la cang nak cu kä om ci.

1 JOHAN 4:20

Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

1 JOHAN 1:10

Kei shetkat nak kä ka bik ci, mi ciah a kyak ung, Khanpughi cu hleeihlak thei ciah mi pyan ah kyak ci, mikmi ung ani ah thu cu kä om ciah kyak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

TITUS 1:10

A i kä ami hmat su ah cun ah thu cu hnu ng’tuk püi ne, chang gui k’fikfaih ciah chang ak da om ci nei, ak tung pi ah Judah yum nak ung ka ng’lat lawk ci gui ung da pi ci.

1 JOHAN 2:3

Khanpughi ah thukhän cu mi läk ah a kyak ung ani mi hmat ciah akcang ah mi hmat khai.

1 JOHAN 3:6

Cun ah kyasei Bawi Khrit ung kawng ät ne ghing ciah chang cu, cheishoh nak kä bi ba ci, cheishoh nak bi ba cicu ani kä hmuhmat ciah chang ah kyak ci.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.