1 JOHAN 2:27 - Cho Bible Common Language 2016

²⁷ Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

1 JOHAN 2:27 Referans Kwoze

JOHAN 14:26

Kapa naw kei ah ming awn a tüih law ah ning m’htei gui ciah Mumcha Theing naw a päng avan ning m’thei thang gui ne, kei naw ka ning m’thei thang gui phi avan ning shüm ba sak gui khai.

1 KORIN 2:13

Cun ah kyasei Mumcha gah ci gui am, Mumcha düng nak ah mawng m’dang ne m’thein nak gui ung, keimi naw hnicim chang ah m’theithang hmuhmat nak ah ng’thu cu kä kami pyein ci, Mumcha ah m’theithang nak ah ng’thu cu kami pyein ci. Keimi naw Mumcha düng nak kami m’theithang nak ung Mumcha om pyi ciah chang-am vah kami m’thei ci.

JOHAN 16:13

Cun ung phi Khanpughi ah mawng cacim awn dang sak ciah Mumcha Theing cu a kyum law ung ani naw cacim avan cu ning m’thein gui khai, ngawi ah gawk lawk khai ah a mawng gui phi ning m’thein gui khai.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

2 JOHAN 1:2

A i ah kyasei ci ung thu thuuk cu keimi ung om ne, ngawi yä khäng khai ah a kyak ah hmawk ah kya ci.

1 JOHAN 3:24

Khanpughi ah thukhän läk ciah chang cu Khanpughi ung ghing ci, Khanpughi phi ani ung ghing ci. Mikmi awn kawng ät ne Khanpughi a ghin ah mawng cu Khanpughi ah nam shumphyuk gui ah Mumcha awn mi hmat ci.

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

KOLOSE 2:6

Khrit Jesuh cu Bawipa nei, cine nami dou ah a kyak ung ani awn kawng ät ne nami ghin vai.

JOHAN 14:17

Khomdek chang gui naw cun ah Mumcha Theing cu kä hmuhmat man ci gui kya ne kä yum hlawt ci gui. Cun ung phi ani cu nangmi awn a täng ah om ne, nangmi ung om ci kyasei nami hmat ci.

EPHESIAN 4:21

Bawipa ah mawng cu akcang ah nami ng’ya pyi ci nei. A hnu läk ciah ak chang gui nangmi naw Bawi Jesuh ung Thu thuuk ah mawng cu nami theithang pyi ci nei.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

NG'THU K'THUUK~ 28:5

Changshe gui naw taga nak ah mawng kä hmat ci gui, Cun ung phi Bawipa kawihnah ci gui naw, akni ah hmat ci gui.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

JOHAN 14:16

Kei naw Kapa ah kang yoih ung, Kapa cu nangmi awn a täng ah om ne nangmi ning m’htei gui khai cu tüi law hnga khai. Ani cu Khanpughi ah a mawng cacim awn m’dang ciah Mumcha Theing ah kya ci.

1 KORIN 2:12

Mikmi cu shin ah khodek khan ung mümcha mi gah ciah kä kyak ci; Khanpughi naw a tüih law ah Mumcha cu mi gah ciah kya ci. Cun ah kyasei mikmi naw Khanpughi ah na peit gui phung cu mi hmat ci.

2 KORIN 1:21

Bawi Khrih ung kawng ät nak awn keimi la nangmi na ghin sak gui ci cu, Khanpughi a mät ah kyak ci.

1 THESSALONIAN 4:9

Zum ci gui nami mät nami ng’hni tu vai ah mawng cu ca guk vai kä hlü ci. Nami mät gui nami ng’hni tu vai ah nami mät cu Khanpughi naw ning m’thein gui pyi ci.

TAIGÜTHUM 7:35

Shin cu Aaron la a hta gui taigü gui ah kyak khai gui ah phyuhtheh gui hnüüp ung Bawipa am ei-douthak amshah ah kyak ci.