1 JOHAN 2:26 - Cho Bible Common Language 2016

²⁶ Nangmi ning m’hleeihlak ning k’fifaih gui ciah a mawng cu, shin ah ka guk ah kyak ci nei.

1 JOHAN 2:26 Referans Kwoze

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

1 TIMOTHI 4:1

Ngawi ah chang amshah gui cu, hleeihlak ciah mümcha ah thu ngai u ne, khoshe ah m’theithang cu läk u ne, ami yum nak cu nawng lawk khai gui nei cine Mumcha naw ang dang ah pyein ci.

NG'THU K'THUUK~ 12:26

Düng ciah chang cu c teihpüi ah lam shüm ciah kyak ci. Cun ung phi changshe ah hteh nak ah lam naw lam hma sak ci.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

EZEKIEL 13:10

“Prophet gui naw avan bä lawk khai nei cine, ka Chang gui cu m’hleei hlak ci gui. Avan cu akchang ah kä bä lawk ci! Kei ah ka chang gui naw lung kä htek khai ah pang pyang u sei, prophet gui naw law ne thung bawk awn hluk ci gui.