1 JOHAN 2:21 - Cho Bible Common Language 2016

²¹ Ca ka ning guk law gui cu, thu thuuk kä nami hmat su ah kä kyak ci, thu thuuk hmat u ne, thu thuuk ungka hleeihlak nak cu kä law phung ci, cicu nami hmat ah hmawk ah kyak ci.

1 JOHAN 2:21 Referans Kwoze

2 PETER 1:12

Cun ah kyasei nangmi cu shin ah a mawng gui hmuhmat ne, nami yum nak ah thu thuuk ung nami khäng htek pyi ciah a kyak pang ung phi, kei naw angtäi sei ka ning m’shümthein ba gui khai nei.

JUDE 1:5

Bawipa naw Israel chang gui cu k’phyawn gui ne, Egypt khaw ung kaa k’plawk ba gui netah, kä yum ciah chang gui a dimaih sak gui cu, nami hmat pyi ah kya pang sei phi ka ning shüm ba sak gui hlük ci nei.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

1 JOHAN 3:19

Cun ung mikmi cu Thu thuuk cu mi khäm ne, Khanpughi ah ma ah ngaih gep sei mi om khai.