1 JOHAN 2:15 - Cho Bible Common Language 2016

¹⁵ Nangmi cu m’dek khan ng’yak hlü la m’dek khan ng’yak hlü ah khäm phung phung kä nami m’hni vai nei. M’dek khan ng’yak hlü m’hni ci naw Pa Khanpughi käm hni hlawt ci.

1 JOHAN 2:15 Referans Kwoze

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

LUKA 16:13

A u chang phi bawimang hnih ah changshäm ah kä kya hning ci, Ani cu tumat gen ne tumat m’hni lawk khai. Tumat ah khan ah ng’düng nak awn om ne, tumat cu a i ah kä sui ba khai. Nangmi cu Khanpughi la khomdek khawhchaam ah ng’yak hlü cu a täng ah kä nami bi hlawt khai” cik ci.

JOHAN 15:19

M’dek khan ng’yak hlü cu nami khäm ah a kyak ung m’dek khan naw khäm ne ning m’hni gui khai. Cun ung phi shin ah m’dek khan ung kaa kei naw ka ning ghü gui ci, nangmi naw m’dek khan kä nami k’chaw na ba ci; cun ah kyasei m’dek chang naw nangmi cu ning gen gui ci.

1 JOHAN 3:17

Bämang ciah chang ah kya lang ne, a phäi nau tumat mat geinvai sei hmu netah am lung choh khai ciah chang cun naw, a i hawk chaa ah Khanpughi kam hni ci nei, a ci thei vai ang?

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

1 JOHAN 4:5

Hleeihlak ciah profet gui cu khomdek khan ah mawnglam bäng pyeinsak ci gui, khomdek chang gui naw phi ngai ng’yak hlük ci gui, a i ah kyasei ci ung ngami cu khomdek khan ma nak ciah chang ah kyak ci gui.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

MATTHE 4:8

Cu kawn ah khoshe naw Bawipa Jesuh cu, hlüngtai pibäih ciah khohtung khan ah hteh püi ne, khomdek khan ah chang ah uknak kho avan la ami bämang nak avan cu m’hnuh netah,

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.