1 JOHAN 2:1 - Cho Bible Common Language 2016

¹ Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

1 JOHAN 2:1 Referans Kwoze

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

1 JOHAN 3:18

Ka hta nau gui aw, mikmi ah m’hni nak cu thu la m’gawng düt ah kä kya ne, hnün thawh nak ung dang ciah m’hni nak akcang ah kyak vai nei.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

JOHAN 8:11

Cun ah hnumi naw, “Bawipa, tumat phi kä om ba ci nei” ci ne pyein ci. Bawipa Jesuh naw, “Kei naw phi na katnak kä ka ning m’khoichaa khai, hteit baä, cun kawn ah katnak kä na bi ba vai” ci ne kiak nak ci.)

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

1 JOHAN 3:5

Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.

EPHESIAN 2:18

Acun nak awn chang khui hei gui la Jew pakhui mi van cu Bawi Khrit awn Mumcha tumat ung mi kium ne, Pa Khanpughi ah ma ah mi gawk lawk ciah kyak ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

EZEKIEL 3:21

Nang naw Changnicu katnak kä bik khai ah thukbäi ci sei, ani naw ning hgai ne, katnak kä abi ung, ani cu ghing ne om khai, nang ah hnun ghin nak cu phyawng khai.”

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

1 PETER 2:22

Bawipa kä sheka man ci, a hleei a pyein phi u naw kä ng’ya man ci.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

JOHAN 5:14

Cun kawn ah Bawipa Jesuh naw cun ah chang cu pum im ah hmu ba netah, “Tuhbäi na gai lawk ci, cun kawn ah hmakat nak kä na bi vai, hmakat nak na bi ba ung cun ah tä pi cicu na aut khai” ci ne kiak nak ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

SAM 4:4

Ng’hlet ne kyi ne, cheishoh nak ung düm vä; A düm ah ng’zän ne nami ih nak ung, a cun ah mawng cu ak thuuk ah ngai vä.

1 JOHAN 5:21

Ka hta gui aw, Khanpughi kä akcang cu nami phiawn nak vai a nami om vai nei!

JAMES 3:9

Mikmi naw Khanpughi Bawipa mi m’hlüngtai nak ung m’lei cu mi mang ci, Khanpughi naw amüi ah a tüi ah mi chang paw mi yüihgen nak ung phi, m’lei bä mi mang ci.

ROMAN 6:15

Cun ah kya sei mikmi cu, katnak ah kaa ah kä om ba ne, Khanpughi ah m’geinsei nak ah kaa ah mi om ci kya sei, katnak mi bik khai ah mi pyein khai ang! Cun ah kä kyak ci.

JOHAN 13:33

Ka hta gui aw, kei cu nangmi awn a täng ah ashäng hta vah ka om ba khai. Nangmi naw nami na shui khai, kei ka hteh nak ah nangmi kä nami hteit tu hlawt khai; cine, Jew chang ng’vai gui ka pyein nak gui ah mäih ah tuhbäi nangmi ka ning pyein na gui ci.

1 TIMOTHI 3:14

Kei naw shin ah ca ka guk sang ung kä sho pha sei, nang ah ka lawk khai ah ka ngaih-tüh ci nei.

JOHAN 21:5

Bawipa Jesuh naw, “Ak hmaw gui awi, nga nami phak ci ang?” cine ng’shi gui ci. Ngami naw, “Kä kami phak ci nei” cik ci gui.

JOHAN 14:16

Kei naw Kapa ah kang yoih ung, Kapa cu nangmi awn a täng ah om ne nangmi ning m’htei gui khai cu tüi law hnga khai. Ani cu Khanpughi ah a mawng cacim awn m’dang ciah Mumcha Theing ah kya ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

ROMAN 5:10

Mikmi cu Khanpughi ah gaa ah mi kya te ci, cun ung phi A Htapa a sih nak awn A teihpüi ah na pyang gui ci. Tuk bäi mikmi cu Khanpughi ah teihpüi ah mi kya pyi ci, cun ah kya sei, ghing ciah Bawi Khrit ung hun nak mi gah vai cu ngaih gep ah kyak ci.

1 JOHAN 5:17

Shetkat nak nüng nüng cu cheishoh nak ah kyak ci, cun ung phi sih nak ah kä gawk nak ah cheishoh nak om ci.

3 JOHAN 1:4

Ka hta gui thudüng ung nami ghin ah mawng cu ng’ya ne ka yei ah kawn ah, kei na yei sak ci a i kä om ba ci nei.