1 JOHAN 1:9 - Cho Bible Common Language 2016

⁹ Khanpughi cu a shaitaak küm sak ne, düng nak bäng bik ci, mik mi cu mi katnak ng’kiaa ne, mi ng’paa ah a kyak ung, mi kat nak nam gein gui ne, mi cheishoh nak nüng phi theingcim sak ci.

1 JOHAN 1:9 Referans Kwoze

SAM 32:5

Na ma ah ka katnak gui cu ka ng’yu ci nei; ka cheishoh nak cu kä ka m’zih ci nei. Katnak ka ng’yu khai ah ka k’bäi kawn ah ka cheishoh nak avan na na m’geinsei ci nei.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

JEREMIAH 33:8

Kei na hnungtuk püi ne ami katnak gui cu ka m’si pe gui khai, ngami ah ami katnak la ami hnungtuk nak cu kei naw ka m’gein sei gui khai.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

HEBRU 10:23

Mikmi cu Khanpughi ah shaitaak kutshum ne mi ng’ap hning pyi ciah kyasei, mi yum la mi ngaih u nak cu khäng khai ah mi kut shum khai nei.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

NEHEMIAH 1:6

Bawipa, na teng ä, ka taigü nangaih peä, na changshäm gui Israel chang gui ah phäh ah a mü a hnüüp ka taigü ci nei. Keimi Israel chang gui naw katnak kami bik ci kyasei ka ning paa nak ci nei.

EZEKIEL 37:23

Ngami naw ami mät shemshai ciah agup gui awn kä lelawi ba sak khai gui, ami katnak awn ami mät ka m’shet ba khai gui. Kei naw ngami cu ami katnak lam gui la kei ami na katnak avan ungka kei naw ka m’hlawt gui khai. Kei naw ka theingthap sak gui khai: ngami cu kei ah chang ah kyak khai gui kei cu ngami ah Khanpughi ah ka kyak khai.

1 KORIN 1:9

Khanpughi cu düngnak apnak ah kyak ci. Ani naw nangmi cu A Htapa mi Bawipa Jesuh Khrit ung nami ng’awi gei vai ah a ning khü gui ah kyak ci.

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

LAMKTU 19:18

Bawipa Jesuh yum ciah chang akda gui cun phi law u ne, ng’you hleip ne ami bilawh kä ani nak cu ah mawng chang gui ah ma ah pyein ne ng’kiaa ci gui.

MAKUH 1:5

Judea kho la Jerusalem mang gaw ungka chang akda cu law ne Johan ah thu ngai lawk ci gui, ngami cu ami katnak ung ng’yu ba u ne, Jordan tuinu ung tuihnim ci gui.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

SAM 19:12

Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

NG’ÄI KYAH 3:23

Kho ngawi hta ah mäih ah k’thai ne khohni a luh law ah mäih ah ng’hteicha ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

1 GHANGPUGHANG GUI 8:47

na chang gui ah taigü cu ngaih pe gui ä. Cun ah khaw ah ngami cu ng’yuu ba u ne, nang ah ami taigü law ung, a i hlawk ah ami kat ah mawng, akshe ami bi ah mawng cu ami ng’kiaa law ung, O Bawipa, ami taigü cu ng’yak pe gui ä.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

HEBRU 11:11

Abraham cu ghi law pyii ci, Sarah cun phi hta khai ah kä kya ba pyii ci, cun ung phi amät ah yum nak awn, Abraham cu a hta om sei pa ah kyak ci. Khanpughi cu a shaitaak ah mäih ah bekhüt ciah ani naw yum ci.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

ROMAN 3:26

Cun ung phi tuk bäi akhin ung Khanpughi naw, amät ah ng’düng nak cu am dang nak ah, chang gui ah katnak cu, m’hnih sak gui ci. Cunah a bi nak awn Khanpughi naw, amät cu ng’düng ciah a kyak ah mawng la, Bawipa Jesuh yum ciah chang phung ang düng sak ah mawng cu m’dang ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.

1 GHANGPUGHANG GUI 8:30

Ka taigü na ngaih peä, na chang gui naw shin ah hmun täng ah mang ne ami taigü ung ngai gui ä, na m’geinsei gui ä.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

LUKA 22:57

Cun ung phi Peter naw, “Hnumi hta aw, ani cu kei naw kä ka hmat ci nei” cik ci.