1 JOHAN 1:7 - Cho Bible Common Language 2016

⁷ Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

1 JOHAN 1:7 Referans Kwoze

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

1 JOHAN 1:5

Tuhbäi keimi naw A Htapa ung hmu ng’ya ne kami ng’shäu ba ah thu cu, “Khanpughi cu akdei ah kyak ci, ani ung hmüp nak api phi kä om ci,” ciah kyak ci.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

1 JOHAN 5:6

Bawi Jesuh Khrit cu tui awn ang hnim nak la asi huk ne asih nak awn kyum lawk ciah Bawipa ah kyak ci. Ani cu tui bäng awn kyum lawk ciah kä kyak ci, tui la si awn kyum lawk ciah kyak ci. Cun ah düng ciah a mawng cu düng ciah Mumcha naw damg sak ci.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

SAM 89:15

Ng’äi m’cu ne ning khawihnah ci gui cu Na m’hni nak ah akdei ung om ci gui cu yeikyai aih ci gui nei!

SAM 56:13

a i ah kyasei ci ung, nang naw sih nak ung na gung ne, di nak ung na na khui ba ci. Cun ah kyasei, kei cu Khanpughi ah ma, ghin ci gui ah khan ah ng’shü ciah akdei ung ka hteit ci.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

SAM 97:11

Düng ciah khan ah akdei cu ng’shü ne, nik ciah khan ah yeikyai nak om ci.

1 JOHAN 5:8

Cun gui cu Mumcha, tui la Si ah kyak ci: cun ah thum naw tumat ah saksi dang sak ci gui.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

3 JOHAN 1:4

Ka hta gui thudüng ung nami ghin ah mawng cu ng’ya ne ka yei ah kawn ah, kei na yei sak ci a i kä om ba ci nei.

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

2 JOHAN 1:4

Na hta amshah gui cu, Khanpughi ah thukhän ah mäih ah, thudüng ung ami ghin cu hmat ne, ang htei ah ka yei ci nei.

AMOS 3:3

Chang hnih cu kä ani ng’ge ung atäng ah ng’gui ne hteit man ni ne ang?

SAM 51:2

Ka shet nak gui phung na m’si pe ne, ka cheishoh nak phung na theing sak ä!

ISAIAH 6:7

Ani naw vi ciaa meicak awn ka m’nei na tawk neta, shin naw na m’nei ning tawk pyi ci, tuhbäi na katnak maih pyi ci, na katnak gui cu ning m’geinsei pyi nei.”

ISAIAH 33:24

Mi khaw ung om ciah chang tumat naw phi, gawpyam ciah pyen ne ng’thu kä m’da ba phung khai, katnak avan cu m’gein sei nak om khai.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

JOHAN 5:4

(Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)