1 JOHAN 1:5 - Cho Bible Common Language 2016

⁵ Tuhbäi keimi naw A Htapa ung hmu ng’ya ne kami ng’shäu ba ah thu cu, “Khanpughi cu akdei ah kyak ci, ani ung hmüp nak api phi kä om ci,” ciah kyak ci.

1 JOHAN 1:5 Referans Kwoze

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

JOHAN 1:9

Akcang ah akdei cu khomdek khan ah gawk law ne chang van ah khan ah khang ci.

JOHAN 1:4

Ani ah kä tüisho a i phi kä om ci. Thu ung ghinnak om ci. Ghinnak cu chang gui ah akdei ah kya ci.

JOHAN 9:5

Kei cu khomdek khan ah ka om yah ung khomdek khan ung akdei ah ka kiak ci,” cik ci.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

SAM 36:9

Nang cu ghin nak avan ah ang yung ah na kyak ci, nang ah akdei ung keimi naw akdei kami hmuk ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

1 JOHAN 3:11

Cau ak htük ge ung mi ng’yak ah thu Ni cu, “Mikmi cu tumat la tumat mi ng’hni tuk khai nei,” ciah kyak ci.

1 KORIN 11:23

Kei naw tuhbäi ka ning peit gui vai ah m’theithang nak cu Bawipa ah ka gah ah kyak ci. Gaa ah kut ung ami ap nak vai ah khomü ung, Bawi Jesuh naw m’htut cu la ne,

SAM 139:12

Cun ung phi hmüp khui cu nang ah phäh ah kä hmüp ci, mü m’than cu hnüüp ah mäih ah dei ci. Hmüp khui la khodei cu nang ah hmawk ah atäng ah kyak ci.

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.