1 JOHAN 1:4 - Cho Bible Common Language 2016

⁴ Keimi naw yeikyai nak kümbe sei kami gah nak vai ah shin ah ca kami guk law nei.

1 JOHAN 1:4 Referans Kwoze

JOHAN 15:11

Shin ah ng’thu ka pyein cu, kei ah yeikyai nak nangmi ung gawk sei, nangmi ah yeikyai nak a khüm be vai ah hmawk ah kyak ci.

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

2 JOHAN 1:12

Kei naw ka pyein vai akda om pang sei phi, ca awn kä ka gu ba hlük ci nei. Mi van kümbe sei mi yeikyai nak vai ah, nami om nak ah ka mät law ngä sei, ng’hmuh ne mi ng’thu vai ka yum ci nei.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

EPHESIAN 3:19

Ani ah m’hni nak cu nami hmat lawk khai, cun ung phi kümbe khai ah a i yah ung phi kä nami hmat hlawt khai — cun ah kiasei Khanpughi ung yungpyaa ne khänghtek vai ah ng’hläm ne nami ngaih gep vai nei.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.