1 JOHAN 1:2 - Cho Bible Common Language 2016

² Cun ah ghin nak mik awn hmuh vai ah a om yah ung mi hmuk ci, ani ah mawng phi mi pyein sak ci. Pa Khanpughi awn a täng ah om ciah ang täi ghin nak cu keimi ah khan ah dang sei, acun ah mawng cu kami pyein ci.

1 JOHAN 1:2 Referans Kwoze

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

JOHAN 1:4

Ani ah kä tüisho a i phi kä om ci. Thu ung ghinnak om ci. Ghinnak cu chang gui ah akdei ah kya ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

1 JOHAN 5:11

Saksi ah ang dang nak ah mawng cu; Khanpughi naw angtäi ghin nak cu na pe gui ci, cun ah ghin nak cu A Htapa ung phung ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

1 JOHAN 3:5

Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.

2 TIMOTHI 1:10

Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

JOHAN 15:27

Nangmi naw phi kei ah mawng thu nami pyein khai, a i ah kya sei ci ung akhtük ge ung nangmi cu kei awn a täng ah nami om ci kyak ci.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

1 PETER 5:1

Kei ka mät ah mäih ah khrithabum ung ang vaihta gui cu ka ning m’cäi gui ci nei. Bawi Khrit ah geinvai nak ah mawng saksi ci la dang lawk khai ah abämang nak ng’pai tuk ciah chang ah ka kiak nak awn ka ning m’cäi gui ci nei.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

LAMKTU 10:41

Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci.

LAMKTU 5:32

Shin ah amawngung keimi cu saksi ah kami kyak ci, ang thu ngai ci gui am a yuk m’kyum lawah kyak ciah, Mumcha Theing cun phi saksi ah kyak ci” cine pyein tuba ci gui.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

JOHAN 21:14

Bawipa Jesuh sih nak ungka a thawh ba kawn ah ang düihpüi gui ah ma ah ang dang ba cu tuhbäi awn thum vei lawk ci.

JOHAN 17:5

Kapa! Khomdek kä ang tüi pha ung nang awn a täng ah ka gah ah bämang nak cu, tuhbäi kei-am na yuk pe lawä.

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

JOHAN 8:38

Kei cu Kapa ah nam cäi ah mäih ah kang thu ci, nangmi cu nami pa ah pyein ah mäih ah nami bik ci,” cine kya ne gui ci.

JOHAN 7:29

Cun ung phi kei cu ani naw na tüi law sei, ani ungka ka lawk ciah kya ne, kei naw ani cu ka hmat ci,” cine m’lau ne pyein ci.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

1 JOHAN 1:1

Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

JOHAN 10:28

Kei naw angtäi ghin nak ka peit gui ah kya ne, ngami kä si hlawt khai gui. A u naw kei ah kut ung kaa, ngami cu kä na gut hlawt khai.

JOHAN 19:35

(Shin ah a mawng gui cu nangmi naw phi nami yum tu vai ah hmu tuk ci amät naw a pyein ah kyak ci. Ani ah pyein cu hman ci, ani naw amät akcang a pyein phi hmat ci.)

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

1 JOHAN 4:2

Khanpughi ah Mumcha ah a kyak la kä a kyak nami hmat nak vai ah mawng cu; Bawi Jesuh Khrit cu hnicim chang ah ng’tüi ne yu kyum lawk ci, ciah ng’kiaa ne yum ciah chang phung cu, Khanpughi ah Mumcha gah ciah kyak ci.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

1 JOHAN 5:13

Kei naw shin ah ca ka ning guk law gui ah mawng cu, nangmi cu Khanpughi ah Htapa nami yum ci kyasei, angtäi ghin nak nami gah ah mawng cu, nami hmat vai ah hmawk ah kyak ci nei.