1 JOHAN 1:1 - Cho Bible Common Language 2016

¹ Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

1 JOHAN 1:1 Referans Kwoze

JOHAN 20:27

Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

JOHAN 5:26

Apa cu ghin nak ah a phung ah a kyak ah mäih ah A Htapa cun phi, ghin nak ah a phung ah a kyak vai ah ap pyi ci nei.

LUKA 24:39

Tuhbäi nami hmuh cu kei ka mät ah kyak ci nei. Kei cu na tawn shüm vä, nami hmuh ah mäih ah kei ung ka sa la ka guh gui om ci nei.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

JOHAN 19:35

(Shin ah a mawng gui cu nangmi naw phi nami yum tu vai ah hmu tuk ci amät naw a pyein ah kyak ci. Ani ah pyein cu hman ci, ani naw amät akcang a pyein phi hmat ci.)

LAMKTU 1:3

Ani cu asih kawn ah hnüp phlikip ah kyawng ung ang düihpüi gui ah ma ah akda vei ng’dang ba neh a ghin ba ah mawng cu ak cang ah m’dang shüt ci. Ang düihpüi gui naw ani cu hmuk ci gui, ani naw phi Khanpughi ah uknak khaw ah mawng cu m’theithang gui ci.

THU PHLAAN 19:13

Asuisak cu si ng’hlui ah kyak ci. Ani ah ming cu, “Khanpughi ah ng’thu” ah kyak ci.

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

ISAIAH 41:4

Shin ah kya lawk khai ah bik cicu a u ang? A u naw ang ng’shonlam manngma a kyak sak ve? Kei, Bawipa cu ang tün nak ung ka om ci, Kei, Bawipa cu akhüt nak ung phi ka om khai nei.

1 JOHAN 5:7

Saksi thum om ci;

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.