1 GHANGPUGHANG GUI 9:3 - Cho Bible Common Language 2016

³ Bawipa naw ani cu pyen nak ci, “Kei naw nang ah taigü ka ng’yak ci. Ngawi yä kei na khawihnah nak vai ah nang naw na cawh ah shin ah Taigüim cu kei naw ka k’bäi ci. Kei naw shin cu a khokphlüt ung ngäng ne ka shungvong khai.

1 GHANGPUGHANG GUI 9:3 Referans Kwoze

1 JOHAN 5:14

Amät ah ng’yak hlü ah mi ng’yoih thäh phung cu na ngaih pe gui ciah ngaih gep nak om sei, mikmi cu Khanpughi ah ma ah mi k’thamah ci.

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

1 GHANGPUGHANG GUI 8:29

Khawihnah nak vai ah nang naw na ghü ah shin ah hmun, shin ah Taigüim cu amü a hnüüp ngäng bom ä. Kei naw shin ah Taigüim täng ah mang ne ka taigü ung na ngai ä.

SAM 116:1

Ka khü ng’ya ne, ka taigü na ngaih pe sei; Bawipa cu ka m’hni ci.

THULÄÄN NAK 11:12

Bawipa nami Khanpughi naw shin ah khaw cu m’htei ne, a kum pum a ngäng ah kyak ci.

2 SHONTÄP NAK 6:40

“Tuhbäi, O ka Khanpughi, na yuk teng gui ne, Shin ah hmun ung taigü kami ning douthak cu na ngaih pe gui ä.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

DANIEL 9:23

Nang naw Khanpughi ah na ng’coipa sangung ani naw ning m’shang ci. Ani naw ning m’hni gui ci, cun ah kyasei ani naw a ning m’shan nak gui cu kei naw law püi ne ka ning m’thein gui ci. Tuhbäi muimang phlan ne ka ning m’thein gui yah ung geing na ne nami ngaih vai nei.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

KHEI NAK 16:38

Cun gui cu Bawipa ah sonkiang ung pek ah kya ne, theingcim lawk ci gui. Cun ah kyasei ami katnak ah phäh ah sik ci gui ah ami mei khawk gui cu nami lak vai. Sonkiang küm nak vai ah khawk a läm hta gui ah sheh ne nami pyan vai. Cun ung Israel chang gui ah phäh ah ng’thu m’shi sho ah kyak ci.”

JOHAN 11:42

Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci.

SAM 66:19

Cun ung phi Khanpughi naw akcang ah na ng’yak ci; Ani naw ka taigü ngai ci.

THULÄÄN NAK 12:21

Nami khawihnah nak ah hmun tumat cu a shou aih ah a kyak ung nami ng’yak nak hlü ah akhin ung Bawipa ah ning pek gui ah sei phi, htome phi, ngawn u neta kei naw ka ning m’thein gui ah mäih ah meh cu im ah nami ei hning ci.

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

2 GHANGPUGHANG GUI 21:7

Ani naw khanpughinu Asherah ah gup cu Taigüim ung tha ci. Cun cu Bawipa naw David la a hta Solomon am ng’thu a pyen nak goi ah kyak ci: “Shin ah Jerusalem, shin ah Taigüim kyong cu Israel pakhui avan ungka, kei ami na khawihnah nak vai ah hmun ah kei naw ka ghü ah kyak ci.

2 SHONTÄP NAK 33:7

Ani naw Taigüim kyong ah a gup tha ci, cun cu Khanpughi naw David la a hta Solomon am shikcha ah a pyen nak ah hmun ah kyak ci: “Israel pakhui gha lei goi ah khopäng avan ungka, kei na khawihnah nak vai ah hmun ah kei naw ka ghü cu shin ah Jerusalem, shin ah Taigüim ah kyak ci.

EZRA 6:12

Ani khawihnah nak vai ah hmun ah Jerusalem mang gaw ghü ciah Khanpughi naw a u ghangpughang phi a u pakhui phi, shin ah thumkhän hnungtuk ne Taigüim m’di vai ah tha nak ci phung cu, gawt sä. Kei, Darius naw shin ah thukbäi ka pek ci nei. Shin cu akbe ah nami läk vai nei” ciah kyak ci.

SAM 34:17

Düng ciah chang gui naw Bawipa cu ami khü ung ngaih pe gui ci; ami khüikha nak avan ung gung gui ci.

PHYAWN NAK 29:44

Phung la sonkiang cu ka theingciim sak khai, Aaron la a hta gui cu taigü ah kya u ne, kei ah bii ami bi vai ah ka ng’düih sak gui hnga khai.

SAM 65:3

Kami cheishoh nak naw na hnim gui ci, cun ung phi nang naw na nam geinsei gui ci.

JEREMIAH 7:10

Shin ah kei naw ka thüi nak gui bi u ne, kei ah om nak ah ka mät ah Taigüim ung law ne ng’düi u neta, “Hun nak kami gah pyi ci nei” nami cik ci.