1 GHANGPUGHANG GUI 9:1 - Cho Bible Common Language 2016

¹ Ghangpughang Solomon naw Taigüim, mangim la ang yak hlü ah cawh kyan gui vai phung phung a cawh kawn ah,

1 GHANGPUGHANG GUI 9:1 Referans Kwoze

2 SHONTÄP NAK 7:11

Ghangpughang Solomon naw Taigüim la mang im cu co yawp ne am hnüt bäi avan a pyi kawn ah,

1 GHANGPUGHANG GUI 9:19

Ei khei cawh nak ah mang gaw gui, ang sela gui la a yatha gui tha nak ah mang gaw gui la cawh vai ah ang yak hlü phung cu Jurusalem, Lebanon la a uknak ah khaw avan ung co ci.

THUSHÄUTU 6:9

Cun cu a kholä nei; khokhi k’täm ne pha ah mäih ah kyak ci nei. Ang täi sei a i baw ng’ya hlü ne om ah k’dam ah, mät ung om ci awn ng’büh cu bä tuba ci nei.

THUSHÄUTU 2:10

Ka ng’yak hlü phung cu, ka gah ci. Yeikyai nak phung kei ka ma man ci. Kei cu ka bilawh gui phung ah phäh ah ka khähghah ci nei, cun gui avan cu kei ah m’cümhnah nak ah kyak ci nei.

THUSHÄUTU 2:4

Kei naw dämduh ci gui ka pyi phleh ci nei. Ka mät naw ka im co ne, sapyit gui phi ka geit ci nei.

1 GHANGPUGHANG GUI 9:11

Tire Ghangpughang Hiram naw cedar sing, m’htai sing avan la abi nak ung ang’yak hlü ah ghui avan cu ani am pek ci. Cun angpyi kawn ah Kalile khaw ung gawnu m’ku cu Ghangpughang Solomon naw Hiram am pek ci.

1 GHANGPUGHANG GUI 7:51

Ghangpughang Solomon naw Taigüim ung bilawh gui avan pyi neta, apa David naw Bawipa am a ap gui avan ngui ni, ghui ni, a hei khawh gui avan cu Taigüim khawh tha nak ah akhaan ung tha ci.

1 GHANGPUGHANG GUI 6:37

Taigüim ah angnei cu akcha goi nak, Ziv cha, Solomon uknak akum phli nak ung phah ci gui.

1 GHANGPUGHANG GUI 7:1

Solomon naw amät ah phäh ah mangim tumat phi co ci, cun a cawh cu kum gha lei thum lüng ci.

1 GHANGPUGHANG GUI 7:2

Lebanon Bung ng’ming nak ciah imkyong nu cu a yun täng dawng 100, akdang täng dawng 50, a hlüng dawng 30 lawk ci. Acun ung cedar tung gui thum ah ng’tän ci, ang tän tumat ung gha lei hma ci lawk ci. Cun gui ah khan ah cedar ng’lawng gui dawn ci gui. Ceiling cun phi cedar k’pen awn pyang ne, store khaangui phi pyang ne k’tung awn ami m’düh gui ah kyak ci.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.

1 GHANGPUGHANG GUI 9:10

Solomon naw Taigüim la a mang im a cawh nak cu khawkum m’ku lüng ci.

2 SHONTÄP NAK 8:6

Baalath mang gaw, mang gaw gui avan cu ei-khei a tha nak ah kyak ci, mang gaw gui cu ang se gui la a yatha gui awn a on nak ah kyak ci. Ani naw cawh kyan vai apawng püi gui phung cu Jerusalem, Lebanon la a uknak ah khopäng avan ung co ci.

1 GHANGPUGHANG GUI 3:1

Solomon naw Egypt ghangpughang ah hta hnumi chu na ne, ng’khawtsheng nak bik ci. Ani naw achu cu David mang gaw ah law püi ne, amang im, Taigüim la Jerusalem gaw k’pang kä ah cawh pha yawp ah chuih acun ung om sak ci.

2 SHONTÄP NAK 7:1

Ghangpughang Solomon cu taigü yawp khäta khankho ah ka meikdäi kya law ne ami douthak ah khawihnah nak gui cu ui yawp ci, Bawipa ah bämang nak cu pyü ne ng’shü ne Taigüim ung be ci.

2 SHONTÄP NAK 8:1

Solomon naw Taigüim la mang im a cawh cu khawkum m’ku lüng ci.