1 GHANGPUGHANG GUI 8:9 - Cho Bible Common Language 2016

⁹ Thukhän M’küm ah kyong ah a hei, a i kä om ci, Sinai M’htung Moses naw a tha ah Lung phahlap hnih bäng om ci, cun cu Egypt ah ka Israel chang gui ami law ba sangung Bawipa naw thukhän abi gui ah kyak ci.

1 GHANGPUGHANG GUI 8:9 Referans Kwoze

PHYAWN NAK 25:21

Lung palap hnih cu m’küm ah khui ah tha neta, a khüm awn akhan ah na yuk küm vai.

HEBRU 9:4

Acun ah kyong ah ang ui gui mei awn ami m’khih nak ah ghui mangkiang la, ghui bäng awn pyan ah Thukhän M’küm om ci. Cun ah m’Küm khui ah manna m’htut ah om nak ah ghui-am, lim ne hnah ciah Aaron ah ng’shopawng la thukhän gui guk ah lung k’paang hnih om ci.

PHYAWN NAK 40:20

Cun kawn ah ani naw lung phe hnih la ne, Thumkhän M’küm ah kyong ah ghawn ci. Ani naw M’küm ah hnga ung kawh nak ah htung cu m’thun neta aküp awn yuk küm ci.

2 SHONTÄP NAK 5:10

Thukhän M’küm ah kyong ah lungphe hnih bäng om ci, cun cu Israel gui Egypt khaw ah ka ami law ba yah ung Bawipa naw Israel chang gui thukhän a pek gui sangung Sinai M’htung ah Moses naw a tha ah kyak ci.

THULÄÄN NAK 4:13

Ani naw ning m’thein gui ci, a i nami bi vai, nangmi ung abi ah thumkhäm nami k’pan vai, nangmi naw thumkhän gha nami läk vai, cun cu ani naw lungphe hnih ung a guk ah kyak ci.

THU PHLAAN 15:8

Pum im cu Khanpughi ah bämang nak la hlüngtai nak ah akkhuu awn be ci. Cun ah kyasei khankho chang pachih naw ami law püi ah leigaai mawng chih ang pyi güt ung, pum im kyong ah a u phi kä lut ba hlawt ci.

EZEKIEL 10:4

Bawipa ah om nak ah khang ciah aktei cu khiküi gui ungka tho ne, Taigüim valuh nak täng ah vang nawn ci. Cun kawn ah khongmei naw Taigüim be sak ci, im kyong cu dei ne khang ci.

1 GHANGPUGHANG GUI 8:21

Taigüim kyong ah Thukhän M’küm tha nak vai ah hmun phi kei naw ka pek ci, acun ung thukhän lung palap gui om ci, cun cu Egypt ah ka a law püi ba gui ah ung Bawipa naw, mi pupa gui awn a bi ah kyak ci.

THULÄÄN NAK 31:26

“Shin ah Khanpughi ah thukhän ca uk cu la neta, Bawipa nami Khanpughi ah Thukhäm M’küm ah ang leng ung nami tha vai. Cun ung shin cu a chang gui hnu ng’tuk püi gui ciah saksi ah kya ne a cun ung om khai.

KHEI NAK 17:10

Bawipa naw Moses cu pyen nak ci, “Aaron ah shopang cu Thukhän M’küm ah ma ah tha ba ä. Cun cu Israel gui naw thu ami m’da nak kä ami düm ah a kyak ung, sik khai gui ciah Israel gui ah hnungtuk küknet nak k’bäi nak gui ah acun ung tha vai ah kyak ci.”

KHEI NAK 9:15

Bawipa ah om nak ah Phung ami m’düih ah hnüüp ung khaw ng’mei gawk law ne küm lawk ci. Khawmü ah khaw ng’mei cu mei ah mäih ah kyak ci.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

PHYAWN NAK 16:33

Moses naw Aaron am, “K’am tumat la ne manna m’htut pie goi thun neta, mi hta ng’shon gui ah hmawk ah Bawipa ah ma ah gim ä” cine pyen nak ci.

PHYAWN NAK 16:10

Aaron naw chang ami van cu m’thein gui sei, ngami cu bung täng ah ng’hlat u khäta, Bawipa ah pying ciah akdei cu ang ghit ah khongmei ung dang lawk ci.

PHYAWN NAK 14:24

A cun hta ng’lung ung Bawipa naw, ng’mei von la meidäi ung om ne, Egypt gakap gui cu yuk teng gui neta, shühkhah sak gui ci.

PHYAWN NAK 13:21

Khaw hnüüp yah ung Bawipa naw ng’mei von ung ami ma ah hteit ne lam shüm gui ne, khawmü yah ung meidäi ung ami ma ah hteit ne shü gui ci. Cun ah kyasei ngami cu amü a hnüüp hteit hlawt ci gui.

PHYAWN NAK 25:16

Cun kawn ah kei naw ka ning pek ah lung palap hnih cu cun ah müm ung na m’tawk vai, cun ung thumkhän gui cu guk ah kyak ci.

2 SHONTÄP NAK 5:9

Ami kawh nak gui ah a mawng gui cu Atheingcim Pikbäih Hmun ah a ma ung om ne a u naw phi ang dim ah hmuh hning ung phi aheitäng ah ka naw kä hmuh vai kyak ci. (Cun ah kawh nak gui cu tuh güt acun ung om ci gui.)