1 GHANGPUGHANG GUI 8:6 - Cho Bible Common Language 2016

⁶ Cun kawn ah Taigü gui naw Thumkhän M’küm cu Taigüim ah law püi u neta Atheingcim Pikbäih Hmun ung, Cherubim ah ka ah tha ci gui.

1 GHANGPUGHANG GUI 8:6 Referans Kwoze

1 GHANGPUGHANG GUI 6:27

Cun goi cu Atheingcim Pikbäih Hmun ung tän ne hmoh ci gui, cun ah kya ne akhan ah ang lung ung ani ng’phia mawng goi cu ng’tawn tuk ci, vangtäng ng’phia mawng goi naw k’pang gui tawn ci.

1 GHANGPUGHANG GUI 6:19

Taigüim a hnu täng ah akyong ah akhan pyang ci gui, cun cu Bawipa ah Thukhän M’küm tha nak vai ah kyak ci.

2 SAMUEL 6:17

Ngami naw Thukhän M’küm cu law püi u ne, David naw tha nak vai ah a cawh ah phung, amät ah hmun ung tha ci gui. Cun kawn ah ani naw khawihnah nak la khawtsheng-douthak nak cu Bawipa am pek ci.

EZEKIEL 10:5

Khiküi gui naw ami ng’phia ami khäp cu akpung ah ka nawphi ng’yak nei, cun cu m’gai ciah khanpughi ah k’aw ah mäih ah kyak ci.

ISAIAH 37:16

“M’gäi ciah Bawipa, Israel khanpughi, cherubim ah khan ah na mang kiang nak ci, nang bäng nak ci, nang bäng khanpughi ah na kyak ci, khomdek khan ung uknak khaw avan na uk ci nei. Nang naw khomdek la khomik na tüisho ci nei.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

2 SHONTÄP NAK 5:7

Cun kawn ah taigü gui naw Bawipa ah Thukhän M’küm Taigüim kyong ah hteh püi u ne, Cherubim goi ah aka Atheingcim Pikbäih Hmun ung tha ci gui.

1 GHANGPUGHANG GUI 8:4

Taigüim ah hteh püi ci gui. Levit gui la Taigü gui naw phi Bawipa ah om nak ah Phung la cun ung khawcham gui avan cu Bawipa ah om nak ah Phung la cun ung khawcham gui avan cu Taigüim ah hteh püi ci gui.

2 SAMUEL 6:2

Ngami cu Judah khaw, Baalah ah tüi gui ne, Khanpughi ah Thukhän M’küm cu lak sak gui ne, Cherubim gui ah khan ah ngo ciah Hlüngtai ciah Bawipa ah ming awn nami law püi vai cik ci.

1 SAMUEL 4:4

Cun ah kyasei ngami naw Shilon ah ng’shä tüi u ne, Hlüngtai ciah Bawipa ah Thukhän M’küm cu lak ci gui. Tüiküi ng’phia mah gui ah khan ah mang kyang ung ngok ci. Eli ah a hta goi, Hophni la Phinehas cu Thukhän M’küm ung ng’gui ne law tuk ci goi.

PHYAWN NAK 37:9

Cherubim ang phia mah goi cu m’küm ah khan ah ng’man tuk ci goi, ani ng’phia cu avan ung be ci.

1 GHANGPUGHANG GUI 6:16

Akyong akhan, Atheingcim Pikbäih Hmun cu Taigüim ah a hnu täng ung co ci gui. Cun cu dawng m’ku ng’shäi ci, phah ungka naw ceiling ung khüt khai ah cedar k’pen awn akhan pyan ah kyak ci.

1 GHANGPUGHANG GUI 8:3

Ami ng’vai gui ami van ng’bum u neta, taigü gui naw Thumkhän M’küm cu chang u neta,

1 GHANGPUGHANG GUI 8:7

Cun gui ah ami k’phiäih ah ami ng’phia gui naw m’küm la kawh nak gui cu küm ci.

1 SHONTÄP NAK 22:19

Tuhbäi na Bawipa Khanpughi ah bii cu na m’lung kyong avan na ghin nak avan awn na bi vai. Taigüim cawh vai cu tuhbäi na k’tün vai, cun ung nang naw Bawipa ah Thukhän M’küm la khawihnah nak ung mang ah a hei theingthap ci avan cu nang naw cun ah kyong ah na tha hning khai” cik ci.

EZEKIEL 41:4

Ani naw akhan cu nüt ci, angveing ah metre gha lawk ci. Shin ah akhan cu anglung khan ah a hnu ung om ci. Cun kawn ah ani naw ana pyen nak cu, “Shin cu Atheingcim Pikbäih Hmun nei” ciah kyak ci.

SAM 80:2

Ephraim, Benjamin la Manasseh pakhui gui ah khan ah na mät cu dang sak ä. Na hta gui na m’dang gui ä, law ne na hun gui ä!