1 GHANGPUGHANG GUI 8:57 - Cho Bible Common Language 2016

⁵⁷ Bawipa mi Khanpughi naw ami pupa gui a om püi gui ah mäih ah mikmi phi na om püi gui sä; ani naw kä na hteh ta en gui sä, kä na nawng en gui sä;

1 GHANGPUGHANG GUI 8:57 Referans Kwoze

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

THULÄÄN NAK 31:8

Bawipa amät naw ning chuiso khai. Ning om püi khai. Ani naw kä ning shum sak khai.”

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

JOSHUA 24:23

“Cun ung nangmi ung om ciah a khaw hei khanpughi gui cu nami nawng vai nei” ci neta, ani naw k’thäh gui ne, Bawipa Israel Khanpughi ah ma ah nami bekhüt nak cu nami ng’kham vai nei” cik ci.