1 GHANGPUGHANG GUI 8:44 - Cho Bible Common Language 2016

⁴⁴ “Ami ga gui tuk khai ah ng’tuk nak ah hteit khai gui ah na chang gui cu ng’thu nak bäi gui ung, a hawi ami om ung phi, nang naw na ghü ah shin ah mang gaw la nang ah hmawk ah kei naw ka cawh ah shin ah Taigüim cu man na ne, nang ah ami taigü ung,

1 GHANGPUGHANG GUI 8:44 Referans Kwoze

2 SHONTÄP NAK 32:20

Ghangpughang Hezekiah la Amoz ah hta prophet Isaiah cu Khanpughi naw am htei gui vai ah kyap ne taigü ci goi.

2 SHONTÄP NAK 18:31

Ngami naw ghangpughang Jehoshaphat cu hmu u neta, ani cu Israel ghangpughang ah ngai u ne, ng’hlah shi ne tuk ci gui. Cun ung phi Jehoshaphat cu m’lau khäta, Bawipa Khanpughi naw ani cu gung sei, ngami cu a hei täng ah ng’hlat ne ng’tuk ci gui.

2 SHONTÄP NAK 6:34

Ami ga gui tu ne ng’tuk bik khai gui ah na chang gui na tüih phan law gui ung, a hawi ah ami om ung phi nang naw na ghü ah shin ah mang gaw la nang ah phäh ah ka cawh ah shin ah Taigüim täng ah mang ne nang ah ami taigü ung,

1 GHANGPUGHANG GUI 8:16

‘Kei naw ka chang gui Egypt ah ka, ka law püi ba gui yah ung, kei na khawihnah nak vai ah Taigüim cawh nak vai ah, Israel khaw avan ung a i mang gaw phi kei naw kä ka ghü ci. Cun ung phi, David aw, ka chang gui na uk vai ah kei naw ka ning ghü ci nei” cik ci.

2 SAMUEL 5:23

Hnü ät ung David naw Bawipa ng’shi thäh ba ci, Bawipa naw, “Shin ungka naw kä na tuk en gui vai, cun ung phi hteit ne khaai gawi neta, a hei lam täng, kian shing gui ah pei ungka naw tuk gui ge vai ah nami om vai.

2 SAMUEL 5:19

David naw Bawipa ng’shi ne, “Philistin gui ka tuk gui vai aw? Näng nak na na pek khai aw?” cik ci. Bawipa naw, “Ä, na tuk gui vai nei, kei naw näng nak ka ning pek khai nei” cik ci.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 15:18

ani naw thu k’bäi ne Amalek changshe gui m’di gui vai ah a ning tüih ah kyak ci. Ami van kä na ngawn gui pha ah chuih na tuk gui vai ah a ning m’thein ah kyak ci.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

SUKI GUI 6:14

Cun kawn ung Bawipa naw, “Dämduh ciah na thagui avan nawn hteit ä, Midian gui ah kutung ka Israel gui cu gung gui ä. Kei kamät naw nang cu ka ning tüi ci nei” cik ci.

SUKI GUI 4:6

Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

1 GHANGPUGHANG GUI 8:45

ami taigü cu ngaih pe gui ä. Khankho ah ka naw ng’yak pe gui ne, näng nak cu pe gui ä.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

2 SHONTÄP NAK 20:5

Ngami la Jerusalem ung chang gui cu Taigüim ng’vongkyong akthai ung ng’bum ci gui. Ghangpughang Jehoshaphat cu hteit ne ami ma ah ng’düi neta