1 GHANGPUGHANG GUI 8:21 - Cho Bible Common Language 2016

²¹ Taigüim kyong ah Thukhän M’küm tha nak vai ah hmun phi kei naw ka pek ci, acun ung thukhän lung palap gui om ci, cun cu Egypt ah ka a law püi ba gui ah ung Bawipa naw, mi pupa gui awn a bi ah kyak ci.

1 GHANGPUGHANG GUI 8:21 Referans Kwoze

1 GHANGPUGHANG GUI 8:9

Thukhän M’küm ah kyong ah a hei, a i kä om ci, Sinai M’htung Moses naw a tha ah Lung phahlap hnih bäng om ci, cun cu Egypt ah ka Israel chang gui ami law ba sangung Bawipa naw thukhän abi gui ah kyak ci.

THULÄÄN NAK 31:26

“Shin ah Khanpughi ah thukhän ca uk cu la neta, Bawipa nami Khanpughi ah Thukhäm M’küm ah ang leng ung nami tha vai. Cun ung shin cu a chang gui hnu ng’tuk püi gui ciah saksi ah kya ne a cun ung om khai.

THULÄÄN NAK 9:11

Ä! Hnüüp phlikip la mü phlikip alüng kawn ah ani naw thumkhän a guk ah lungphe hnih cu Bawipa naw kei am na pek ci.

THULÄÄN NAK 9:9

Kei cu lungphe gui ka dou khai ah m’htung ah ka hang kai ci. Acun ung Bawipa naw nang awn abi ah thumkhän gui guk ah kyak ci. Kei cu acu ah hnüüp phlikip la mü phlikip ka om ci. A i phi kä ka ei awk ci.

PHYAWN NAK 34:28

A cu ah Moses cu Bawipa awn a täng ah hnüüp phlikip la, mü phlikip ung ei kä ei, tui kä awk ah om ci. Ani naw lung phe gui ah khan ah thumkhän ca ng’lung gui cu guk ci, thumkhän gha ah kyak ci.

1 SHONTÄP NAK 22:19

Tuhbäi na Bawipa Khanpughi ah bii cu na m’lung kyong avan na ghin nak avan awn na bi vai. Taigüim cawh vai cu tuhbäi na k’tün vai, cun ung nang naw Bawipa ah Thukhän M’küm la khawihnah nak ung mang ah a hei theingthap ci avan cu nang naw cun ah kyong ah na tha hning khai” cik ci.

PHYAWN NAK 24:8

Cun kawn ah Moses naw khawk ung si cu la neta, chang gui ah khan ah k’peh ci. Ani naw, “Shin cu thukhän m’hnüt nak ah si ah kyak ci, cun cu shin ah thumkhän avan ana pek gui yah ung Bawipa naw mikmi ung a bi ah kyak ci” cik ci.