1 GHANGPUGHANG GUI 8:16 - Cho Bible Common Language 2016

¹⁶ ‘Kei naw ka chang gui Egypt ah ka, ka law püi ba gui yah ung, kei na khawihnah nak vai ah Taigüim cawh nak vai ah, Israel khaw avan ung a i mang gaw phi kei naw kä ka ghü ci. Cun ung phi, David aw, ka chang gui na uk vai ah kei naw ka ning ghü ci nei” cik ci.

1 GHANGPUGHANG GUI 8:16 Referans Kwoze

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 SHONTÄP NAK 28:4

Bawipa Israel Khanpughi naw kei la ka htangshon gui cu khonglän ung Israel kami uk vai ah na ghü gui ci nei. Ani naw Judah pakhui cu ami ng’vaihta vai ah ghü gui ci, Judah pakhui ungka kei ah pa ah kyonkhui mä ghü ba ci. Cun ah kyongchang avan ungka yei na neta kei cu na la ne, Israel khaw avan ung ghangpughang ah na pyang ci.

1 GHANGPUGHANG GUI 8:29

Khawihnah nak vai ah nang naw na ghü ah shin ah hmun, shin ah Taigüim cu amü a hnüüp ngäng bom ä. Kei naw shin ah Taigüim täng ah mang ne ka taigü ung na ngai ä.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

SAM 132:13

Bawipa naw Zion manggaw cu ghü pyi ci; Ani naw cun cu a im ah pyang hlük ci:

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

SAM 78:70

Ani naw akchangshäm David cu, a htome gui ashäm nak ah htongvong kyong ung ka ghü ne,

NEHEMIAH 1:9

Cun ung phi nanghmi cu kei ah ng’hlat law ba u ne, nangmi ung ka thumkhän cu nami bi ah a kyak ung, nangmi cu khomdek ah ak cawi ah khüt ne, nami püi pyang ung phi, kei nami na khawihnah nak vai ah kei naw ka ghü ah hmun ung, kei naw ka ning law püi ba gui khai nei.’

2 GHANGPUGHANG GUI 23:27

Bawipa naw pyen ci, “Kei naw Israel ah khan ah ka bi ah mäih ah Judah ah khan ah ka bik khai: Judah chang gui cu kei naw ka mät täng ungka naw ka k’täm gui khai, kei naw Jerusalem cu ka hnungtuk püi khai, cun cu mang gaw, Taigüim, kei na khawihnah nak vai ah hmun ah kei naw ka ghü te ah kyak ci.

1 GHANGPUGHANG GUI 11:36

cun ung phi Solomon ah hta am pakhui tumat pek vai. Cun ah kyasei kei am na khawihnah nak vai ah ka ghü ah Jerusalem mang gaw ung ka changshäm David ah hta ng’shon awn angtäi sei ka uk sak khai.

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

1 SHONTÄP NAK 17:3

Cun ung phi cun ah mü Khanpughi naw Nathan a pyen nak cu,

SAM 89:3

Nang naw, “Ka ghü ah chang awn ng’thumkhän cu ka bik ci nei; Ka changshäm David ung shai ka tak ci nei,