1 GHANGPUGHANG GUI 8:10 - Cho Bible Common Language 2016

¹⁰ Taigüim ungka taigü gui ami luh law sang ung, Taigüim cu ang ghit ah ng’mei awn be ne,

1 GHANGPUGHANG GUI 8:10 Referans Kwoze

THU PHLAAN 15:8

Pum im cu Khanpughi ah bämang nak la hlüngtai nak ah akkhuu awn be ci. Cun ah kyasei khankho chang pachih naw ami law püi ah leigaai mawng chih ang pyi güt ung, pum im kyong ah a u phi kä lut ba hlawt ci.

PHYAWN NAK 16:10

Aaron naw chang ami van cu m’thein gui sei, ngami cu bung täng ah ng’hlat u khäta, Bawipa ah pying ciah akdei cu ang ghit ah khongmei ung dang lawk ci.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

1 GHANGPUGHANG GUI 8:11

dei ne ng’shü ne Bawipa ah om nak ah kyak ci, ngami cu ami bi mawng bi ba khai gui ah akyong ah kä valut ba hlawt ci gui.

SAM 97:2

Kho ng’mei la khomü naw ani cu koi ci; Ani naw düng nak la müi nak awn uk ci nei.

ISAIAH 6:1

Ghangpughang Uzziah asih kum ung, kei naw Bawipa ka hmuk ci. Ani cu hlüngtai ciah amang kiang ung ngok ci. Ani ah suinu naw Taigüim avan be sak ci.

ISAIAH 6:4

Ami m’lau ah k’aw naw Taigüim ah tungkhaw cu thüng sak ci. Taigüim cu meikhu awn be ci.

EZEKIEL 10:4

Bawipa ah om nak ah khang ciah aktei cu khiküi gui ungka tho ne, Taigüim valuh nak täng ah vang nawn ci. Cun kawn ah khongmei naw Taigüim be sak ci, im kyong cu dei ne khang ci.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.