1 GHANGPUGHANG GUI 8:1 - Cho Bible Common Language 2016

¹ Ghangpughang Solomon naw Israel pakhui gui pahta gui ung tängpang ci gui ami van cu ani ah Jerusalem ah ami law vai ah k’thäh gui ci, cun cu David ah mang gaw Zion ungka naw Taigüim ah Bawipa ah Thukhän M’küm hteh püi vai ah kyak ci.

1 GHANGPUGHANG GUI 8:1 Referans Kwoze

1 SHONTÄP NAK 15:25

David ghangpughang la Israel angvaihta gui, gakapbawi gui cu Thukhän M’küm lak vai ah Obed Edom ah im ah hteit u neta, dämduh ciah pawi bik ci gui.

1 PETER 2:6

Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

SAM 102:21

Cun ah kyasei ani ah ming cu Zion mang gaw ung ng’shäu u ne, ani cu Jerusalem mang gaw ung m’taam khai gui,

SAM 9:11

Zion kho ung uk ciah Bawipa am ng’äi m’cu vä! Ani ah bi lawh ah mawng cu pakhui päng-am’thein vä!

EZRA 3:1

A cha chih nak ung Israel chang gui ami vancu ami gawnu gui ung om ba yawp ci gui. Cun kawn ah ami van Jerusalem ung ng’bum ci gui.

2 SHONTÄP NAK 30:1

Chang gui naw phyawn nak ah pawi cu a cha ät nak ung bii man ah khin ung kä bi hning ci gui, a i ah kyasei ci ung theingthap ciah taigü gui phi ng’büh khai kä om ci, chang gui phi akda Jerusalem ung kä ng’bum hlawt ci gui. Cun ah kyasei Ghangpughang Jezekiah, a bawi gui la Jerusalem ung chang gui naw a cha goi nak ung pawi bi vai ah k’bäi ci gui. Cun ah kyasei ghangpughang naw Israel la Judah khaw ung chang avan am m’thein gui ci, Ani naw aktung pi ah Ephraim la Manasseh pakhui am ca pe gui ne, Jerusalem Taigüim ah law ne, Bawipa Israel Khanpughi m’tamkhah nak ah phyawn nak pawi ami bi vai ah khü gui ci.

1 SHONTÄP NAK 28:1

David ghangpughang naw Israel bawi gui ami van cu Jerusalem ang ami ng’gum vai ah thumkhän gui ci. Cun ah kyasei pakhui gui ung bawi gui avan, uknak khaw ung uktubawi gui, pahta ung angvai gui, ghangpughang la a hta gui ghangpughang la a hta gui ah khawh chang gui la, vuhchah gui m’khi nak ung tängpang ci gui, akcang ah mang im ung bawi gui avan, matawn ciah gakap gui, kuikyang ciah chang gui-Jerusalem ung bum ci gui.

1 SHONTÄP NAK 15:29

Thukhän M’küm cu mang gaw kyong ah ami law pui sangung, Saul ah hta hnumi Michala naw m’kawt ung om ne teng ne, yeikyai ne, ng’phyi ne ng’lam ciah Ghangpughang David cu hmu neta, thüisei shemshai ci.

1 SHONTÄP NAK 15:3

Cun ah kyasei David naw Israel chang avan cu Jerusalem ung ng’bum sak gui ne, ani naw tha nak vai ah a pyan ah hmun ung Thukhän M’küm cu tha vai ah pawng ci.

1 SHONTÄP NAK 11:7

David cu mangpang ah kyong ah hteit ne am ci, cun ah kyasei cun cu “David ah Mang gaw” ah ami pyen ah kyak ci.

1 GHANGPUGHANG GUI 3:15

Solomon cu ng’shüm law neta Khanpughi naw ang mang ung ng’htau püi ciah hmat ci. Cun kawn ah ani cu Jerusalem ah hteit ne, Bawipa ah Thukhän M’küm ah ma ah ng’düi neta, m’khih ne douthak nak la khawtsheng douthak nak cu Bawipa am douthak ci. Cun kawn ah ani naw a yungbawi gui avan cu tumbei gui ci.

2 SAMUEL 6:6

Ngami cu Nakon lo kyan nak ung ami gawk law yah ung seipat gui hnün u khäta, Uzzah naw thukhän m’küm cu la ne k’pang ci.

JOSHUA 24:1

Joshua naw Israel pakhui avan cu Shekhem ung k’bum gui ci. A ni naw Israel gui ah ami gham hta gi, angvai gui, suki gui la bawi gui cu khü gui sei, ngami cu Khanpughi ah om nak ung hteit ci gui.

JOSHUA 23:2

Cun ah kyasei ani naw Israel gui ami van a ghi gui, angvai gui, suki gui la ami bawi gui khü gui neta a pyen nak gui cu, “Kei cu ka ghi law aih ci,

KHEI NAK 1:4

Ning bawm goi khai ah pakhui ät ungka, pahta ung angvaipi tumat ci nani k’thäh vai.”

1 GHANGPUGHANG GUI 2:10

David cu si sei David ah mang gaw ung k’phuh ci gui.