1 GHANGPUGHANG GUI 7:2 - Cho Bible Common Language 2016

^2-3 Lebanon Bung ng’ming nak ciah imkyong nu cu a yun täng dawng 100, akdang täng dawng 50, a hlüng dawng 30 lawk ci. Acun ung cedar tung gui thum ah ng’tän ci, ang tän tumat ung gha lei hma ci lawk ci. Cun gui ah khan ah cedar ng’lawng gui dawn ci gui. Ceiling cun phi cedar k’pen awn pyang ne, store khaangui phi pyang ne k’tung awn ami m’düh gui ah kyak ci.

1 GHANGPUGHANG GUI 7:2 Referans Kwoze

1 GHANGPUGHANG GUI 10:17

Ani naw shawi aläm phia thum phi pyang ci, tumat cu ghui kilokram a goi ci awn vook ci. Ani naw cun ah shawi gui avan cu Lebanon Bung imnu kyong ah tha ci.

2 SHONTÄP NAK 9:16

Cun kawn ah shawi a läm phia thum ah pyang ci, tumat cu ghui teei kilogram uk thum ci awn lawi ne ami vook ah kyak ci. Ani naw Cun gui avan cu Lebanon khawbung im nu ung tha gui ci.

SOLOMON NG’Ä~ 7:4

Nang ah na hnügawn cu m’uimawng tänghän ah mäih ah kyak ci. Nang ah na mik cu Heshbon mang gaw ung tuili ah mäih ah kyak ci, cun cu, dämduh ciah mang gaw m’kawt pei ah om ci. Na hna cu Damaskas ngäng ne ng’düi ciah Lebanon tänghän ah mäih ah m’hni vai kyak ci.

1 GHANGPUGHANG GUI 10:21

Solomon ah a awk nak ah khap gui avan cu ghui awn pyan ah kyak ci, Lebanon Bung Imnu kyong ah khawh avan cu ghui bäng awn pyan ah kyak ci. Solomon ah khin ung ngui cu a phu kä m’küih u ne, a i ngui phi kä mang ci gui.

1 GHANGPUGHANG GUI 9:19

Ei khei cawh nak ah mang gaw gui, ang sela gui la a yatha gui tha nak ah mang gaw gui la cawh vai ah ang yak hlü phung cu Jurusalem, Lebanon la a uknak ah khaw avan ung co ci.

1 GHANGPUGHANG GUI 9:1

Ghangpughang Solomon naw Taigüim, mangim la ang yak hlü ah cawh kyan gui vai phung phung a cawh kawn ah,

ISAIAH 22:8

Judah ah ng’shungvong nak gui cu ng’gäi yawp ci nei. Cun ah a kyak sang ung nangmi haw likhim gui cu likhimküm ung ka nami lak ci.