1 GHANGPUGHANG GUI 7:14 - Cho Bible Common Language 2016

¹⁴ Apa cu kä ghing ci, Tire ung ka ah kyak ci, anghtei ah kyei shep thei ci, anu cu Naphtali pakhui ah kyak ci. Huram cu lunglang ci, bilaw thei ciah kyeishep ah kyak ci. Ani naw Solomon ghangpughang ah a khü cu yum ne kyei bilawh nak avan ung tängpang ci.

1 GHANGPUGHANG GUI 7:14 Referans Kwoze

2 SHONTÄP NAK 2:14

Ani ah nu cu Dan pakhui ungka ah kyak ci, apa cu Tire ng’leimah ah kyak ci. Ani naw ghui, ngui, kyei, m’sii, lung la sing gui cu a i hawcha pyan vai cu hmat ci nei. Ani naw, amkim, amvaw, asen gui la linen gui phi tah thei ci nei. Ani cu shep pyan nak phung avan bi thei ne, a pyan vai ah amüi pyen phung cu läk ne bi thei ci nei. Bilo thei ciah na chang gui la na pa David Ghangpughang ah bii bik ci gui awn a täng ah bi sak gui ä.

ISAIAH 28:26

Ani naw shikcha ah abi vai cu hmat ci, a i ah kyasei ci ung ani cu khanpughi naw am thei pyi ah kyak ci.

2 SHONTÄP NAK 4:11

Huram naw phi k’am gui, k’tuphee gui la, khawk gui phi pyang ci. Ani naw Taigüim ah hmawk ah a pyan vai ah Solomon ah ma ah shai atak gui avan pyang ci: Tung hnih k’am a mawng ah akpei ah ci hnih, tung gui ah a mawng uknak Tung mawng päng ung sawi ah gui pyai gui Shele Khing 400, tung maung päng ung ng’veing khai ah ami sawi shaw goi Ng’hle gha Tui Khawk gha Tuikan Tuikan tüng ciah vantang gha lei goi, K’tuphe gui, Koipyawng gui, k’am gui Shep pyang thei aih ciah Huram naw, um k’am gui avan cu kyei m’tui ne pyang ci. Cun gui cu Ghangpughang Solomon ah thumkhän ah mäih ah Bawipa ah Taigüim ung mang vai ah kyak ci.

PHYAWN NAK 36:8

Cun ah bii bi nak ung bi thei pikbäih ci gui naw Bawipa ah om nak ah Phung cu co ci gui. Ngami naw Cherubim a gup awn cüiche ah akpong, ak ih, asen ah kyak ciah htome mu awn tah ah linen akni ng’yung gha ah pyang ci gui.

PHYAWN NAK 35:30

Moses naw Israel gui am, Bawipa naw Bezalela cu ghü pyi ci, ani cu Uri ah hta, Hura ah tu, Judah pakhui ah kya ci.

PHYAWN NAK 28:3

Kei naw bi nak thei vai ka pek gui ah tah tah thei ci gui khü gui ne, Aaron ah sui ami tah vai ah m’thein gui ä. Cun ung ani naw taigü ah kya ne ng’ap ne, kei ah bi cu bik khai nei.

PHYAWN NAK 35:31

Ani cu Khanpughi naw a huham awn k’be ci, cüiche ne a hlü hlü ah bi nak thei ah theithang nak, m’khütnäng nak la hmuhmat nak cun phi pek ci,

PHYAWN NAK 35:35

Lung gei ne vüt ci gui ah bi, shep pyang ci gui ah bi, linen pyai bik ci gui ah bi, akpong, ak ih, asen htomemu pyai bi la a hei a hlü hlü bi nak thei gui cun phi ani naw pe gui ci. Ngami cu bilawh avan bi thei ci gui, shep pyan nak ung phi theithang ci gui.

PHYAWN NAK 36:1

“Bezalela, Oholiab la a hei shep pyang thei gui avan am Bawipa naw bi thei nak la hmuhmat nak cu pe gui ci, ngami naw Phung k’theing cu a i cha cawh vai ah hlü ci phung cu hmat ci gui. Bawipa naw ang thumkhän ah mäih ah a päng avan phi bik ci gui.”

2 SHONTÄP NAK 2:6

Akcang ah Khanpughi ah Taigüim cu a u naw kä co hning ci, ng’shawng aih ciah khankho avan phi Khanpughi ah ng’lawk nak vai ah kä kyak ci. Kei naw Khanpughi ah ma ah tui ng’ui m’khih nak vai ah hmun ah kyak ciah Taigüim ah kawn ah a i im cu kei naw ka co hlawt khai yaw?