1 GHANGPUGHANG GUI 6:7 - Cho Bible Common Language 2016

⁷ Taigüim cawh nak ah lung gui cu lungkhui aha ami pyan pyi ah kya ne Taigüim cawh nak ung ng’ki ni, ghei ni, a hei m’si awn bi ah ak aw cu a i kä om ci.

1 GHANGPUGHANG GUI 6:7 Referans Kwoze

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

NG'THU K'THUUK~ 24:27

Im kä na cawh cang vai, kyong khui kä na pyan cang vai, na khaw ma loma ng’htei khai ah, na mät naw na hnun na m’ghin hning ciah ng’htei khai ah na bi tu cang vai.

PHYAWN NAK 20:25

Nang naw kei ah hmawk ah sonkiang lung na m’shon ah a kyak ung, lung m’keen awn kä na cawh vai, A i ah kyasei ci ung vüt ne pyan ah lung nami mang ung, kei ah hmawk ah kä ng’müi khai ah nami bi ah kyak ci.

2 KORIN 5:5

Cun ah ng’huuk nak vai na pyan pe gui cicu khanpughi ah kyak ci, Mikmi am a na gim peit gui, a kyän nak ah Mumcha cu na pe gui ci.

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

ISAIAH 42:2

Ani cu m’lau ne, ak’aw m’hlün ne kä ng’thu khai, lam gui ung ak’aw m’can ne m’lau ne ng’thu kä pyen khai.

JAMES 1:20

Chang ah m’lung she nak naw, Khanpughi ah düng nak kä m’düng thei ci.

1 GHANGPUGHANG GUI 6:6

Akhan päng, aka pikbäih athat cu dawng phli la khap ah ng’shawng ci, ang lung ung athat ci dawng chuk, akhan bäih cu dawng chuk la khap ah ng’shawng ci. Taigüim ah athat päng ung akpang cu aka ah ta akhan ung ana ng’pam lawk khai ah pyan ah kya ne, akhan gui cu k’pang ung khoh ne, ng’lawng kä dawn ling ah cawh ah kyak ci.

1 GHANGPUGHANG GUI 6:8

Aka pikbäih akhan hta ung valuh nak cu Taigüim ah a htumtäng ung om ci, ak hnih nak la akthum nak ah athat gui ung kai nak vai cu hlaak m’dawn ah kyak ci.