1 GHANGPUGHANG GUI 6:5 - Cho Bible Common Language 2016

⁵ Akpung täng k’pang hnungtuk püi ne, Taigüim ah ang leng la a hnu täng ung, that thum ci lawk ciah im hta gui ak m’dün ne co ci gui, that ät ung dawng phli la khap ciah hlüng ci.

1 GHANGPUGHANG GUI 6:5 Referans Kwoze

1 GHANGPUGHANG GUI 6:16

Akyong akhan, Atheingcim Pikbäih Hmun cu Taigüim ah a hnu täng ung co ci gui. Cun cu dawng m’ku ng’shäi ci, phah ungka naw ceiling ung khüt khai ah cedar k’pen awn akhan pyan ah kyak ci.

SAM 28:2

Na nam htei vai ah ka m’lau ung, Na pum im theing lam ah ka kut ka k’shäng ung, na ngaih pe ä.

2 SHONTÄP NAK 5:9

Ami kawh nak gui ah a mawng gui cu Atheingcim Pikbäih Hmun ah a ma ung om ne a u naw phi ang dim ah hmuh hning ung phi aheitäng ah ka naw kä hmuh vai kyak ci. (Cun ah kawh nak gui cu tuh güt acun ung om ci gui.)

2 SHONTÄP NAK 5:7

Cun kawn ah taigü gui naw Bawipa ah Thukhän M’küm Taigüim kyong ah hteh püi u ne, Cherubim goi ah aka Atheingcim Pikbäih Hmun ung tha ci gui.

2 SHONTÄP NAK 4:20

mei im ng’düi gui la ghui k’htüm ah kyak ciah mei im gui, cun gui Theingciim Pikbäh Hmun ah ma ah m’khih nak gui vai ah kyak ci; pawng püi ah mäih ah;

1 GHANGPUGHANG GUI 6:31

Atheingcim Pikbäih Hmun valuh nak ung Olive sing awn pyan ah shohpang hnih cu k’phoh ne pyan ci gui; m’kawt ah akhan a mawng cu yuk khum ah kyak ci.

EZEKIEL 40:44

Cun kawn ah ani naw akyong täng chaam ah na hteh püi ci. Akyong täng chaam ung akhan ak auh hnih om ci, tumat cu a siiptäng m’kawt pei ung om ne, a htumtäng ah mang ci, ahei tumat cu a htumtäng m’kawt pei ung om ne, a siiptäng ah mang ci.

JEREMIAH 35:4

Taigüim ah ka hteh püi gui ci. Kei naw ngami cu Igdaliah hta prophet Hanan ah ng’düih püi tumat ah ak khan ah ka hteh püi gui ci. Cun ah akhan cu aküikyang ah cawi kyak ci, chei bawi gui ah akhan gui pei ung

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

NEHEMIAH 12:44

Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

NEHEMIAH 10:37

Akum tä sei khäm law htük ah pümhta awn pyan ah m’htut, douthak vai ah sapyitui, oliv situi la aktheih akhtük cu Taigüim ah taigü gui am kami thak khai. Kami lo-pigaw gui ah bum gha bum ät look ciah Levit gui am, kami khaw ung m’thawk ciah geit ah bumgha bum ät cu kami thak gui khai.

2 SHONTÄP NAK 31:11

Ghangpughang ah thukbäi ah mäih ah ngami naw Taigüim area ung khei gui co ci gui,

1 SHONTÄP NAK 28:11

David naw Solomon am Taigüim cawh nak vai ah a mawng gui avan pek ci, Khawhchan gim nak vai ah kyong gui, a hei kyong gui avan, katnak bik ci gui m’geinsei nak gui vai ah Atheingcim Pikbäih Hmun ah kyak ci.

1 SHONTÄP NAK 23:28

Ngami cu ami bi vai shin ah m’hnüt pe gui ci gui: Taigüim khawihnah nak ung Aaron ah htangshon taigü gui cu ami bawm gui vai, Taigüim kyong la ah kan gui ami m’htei vai, a theingthap ah ami tha phung cu ami theingthap sak vai;

1 SHONTÄP NAK 9:26

M’kawt ngäng angvaipi phli cu Levit gui ah kya u ne, ngami ung ak hlüng pikbäih ami bii vai om ci. Ngami naw ami m’htei vai cu Taigüim ung kyongkhui gui la acun ung ami taak ah kaawh gui ah kyak ci.

KHEI NAK 7:89

Moses cu Bawipa ng’thu püi khai ah Phung ah kyong a hlut neta, thumkhän m’küm ah a khüm ah khan, Cherubim hnih goi ah ng’lak ung, om neta, Bawipa naw ng’thu a pyen cu cun ng’yak ci.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

PHYAWN NAK 25:22

Kei naw a cun ung ka ning hmuk khai, a khüm ah khan, cherubim goi ah ng’lak ung, kei naw ka thukhän gui avan cu, Israel chang gui ah phäh ah ka ning pek khai.

1 GHANGPUGHANG GUI 6:6

Akhan päng, aka pikbäih athat cu dawng phli la khap ah ng’shawng ci, ang lung ung athat ci dawng chuk, akhan bäih cu dawng chuk la khap ah ng’shawng ci. Taigüim ah athat päng ung akpang cu aka ah ta akhan ung ana ng’pam lawk khai ah pyan ah kya ne, akhan gui cu k’pang ung khoh ne, ng’lawng kä dawn ling ah cawh ah kyak ci.

JEREMIAH 35:2

Rechabit pahta gui ah om nak ah hteit neta ng’thu püi gui ä. Cun kawn ah Taihü im kyong akhan tumatung law püi gui neta sapyit tui pe gui ä.”

EZEKIEL 41:4

Ani naw akhan cu nüt ci, angveing ah metre gha lawk ci. Shin ah akhan cu anglung khan ah a hnu ung om ci. Cun kawn ah ani naw ana pyen nak cu, “Shin cu Atheingcim Pikbäih Hmun nei” ciah kyak ci.

EZEKIEL 40:17

Acun ah chang naw m’kawt cu kaan ne, akyong ah na hteh püi ci. Akpung täng pang ung khüt khai ah ami cawh akhan thumkip om ci, acun gui ah ma ung lung ami phah ah a awng om ci,