1 GHANGPUGHANG GUI 6:1 - Cho Bible Common Language 2016

¹ Israel chang gui naw Egypt khaw ami hteh tak nak khokum phiaphli la cheit-kip nak, Solomon naw Israel a uknak akum phli nak ah, a cha goi nak, Ziv cha ung Solomon naw Taigüim cawh vai cu tün ci.

1 GHANGPUGHANG GUI 6:1 Referans Kwoze

LAMKTU 7:47

Cun ung phi cun ah im a cawh sak cu Solomon ghangpughang ah kyak ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

1 GHANGPUGHANG GUI 6:37

Taigüim ah angnei cu akcha goi nak, Ziv cha, Solomon uknak akum phli nak ung phah ci gui.

HEBRU 11:10

A i ah kyasei ci ung Khanpughi naw pawngpüi ne a cawhkyan ah hta ng’shon ung khäng ciah mang im cu ngaih u ne a ngäng ah hmawk ah kyak ci.

HEBRU 9:11

Cun ung phi Bawi Khrit cu om pyii ciah nikiom nak gui ah Taigütung ah kya ne gawk law pyii ci nei. Ani ah khuut bi nak ah phung cu hlüngtai ne kümbe pi ci nei: cun cu chang ah cawh ah kä kyak ci, atüi pyan ah khomdek ungka ah kä kyak ci.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

1 KORIN 6:19

Nami pumsa cu Mumcha Theing ah pum im ah kyak ciah kä nami hmat ci maa! Cun ah nangmi ung om ciah Mumcha Theing cu Khanpughi ah ning peit gui ah kyak ci. Nami mät naw nami mät kä nami khäm ci, Khanpughi naw vah khäm ci.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.

SUKI GUI 11:26

Heshbon la Aroer la ani pei zung ah ka gawnu gui ni, Arnon tuinu kem zung ah mang gaw gui avan cu Israel gui naw kum phia thum ung khäm ne uk ci gui. A i ah kyasei tuh güt kä na khäm ba ang?

KHEI NAK 1:1

Israel chang gui naw Egypt khaw ami hteh tak nak akum goi nak ah akcha goi nak, ak hnüüp ät hnüüp ung Sinai Bung ah Bawipa ah a om nak ah Phung ung Bawipa naw Moses cu ng’thu püi ci. Ani naw,

LAMKTU 13:19

Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

1 GHANGPUGHANG GUI 6:2

Cun ah Taigüim cu akyong täng ah ayun dawng kawkip, akdang dawng m’ku, a hlüng dawng thumkip lawk ci.

1 SHONTÄP NAK 6:10

Azariah, (Ghangpughang Solomon naw Jerusalem ah a cawh ah Taigüim ung bii bik ci),

EZRA 5:11

“Ngami naw, ‘Keimi cu khankho la khomdek ung Khanpughi ah nak changshäm gui nei, Keimi naw Taigüim kami co ba ci nei, cun cu cau pui ge ung huham ah ciah Israel ghangpughang naw a htük ge ung co ne am khüüp te ah kyak ci nei.

SAM 78:69

A cu ah ani naw ak Taigüim co ci, cun cu khankho ah a im ah mäih ah kyak ci, cun cu khomdek ah mäih ah m’düih ne, angtäi sei khän sak ci.

HAKKAI 1:8

Atuhbäi khawgui ah kai ne, k’peen aat ne, Taigüim cu co ba vä. Cun kawn ah nami na yeikyai nak khai, ka om ah mäih ah nami na khawihnah khai.

PHYAWN NAK 12:41

Kum 430 ang pyi hnüüp ung Bawipa ah pakhui chang avan cu Egypt khaw ungka hteit ci gui.

PHYAWN NAK 12:51

Cun ah hnüüp ung Bawipa naw, Israel pakhui gui cu Egypt khaw ungka k’plawk ba gui ci.

2 SHONTÄP NAK 3:3

Ghangpughang Solomon naw a cawh ah Taigüim cu a yun täng dawng chuk kip, ak dang täng dawng m’ku lawk ci.

EZEKIEL 41:1

Cun tawi ne, cun ah chang naw anglung khan a Theingcim Hmun ung na hteh püi ci. Ani naw acun ung hteh nak ah lam hta cu nüt ci: cun cu metre thum ah thuuk ne,