1 GHANGPUGHANG GUI 5:9 - Cho Bible Common Language 2016

⁹ Kei ah ka chang gui naw singtung gui cu Lebanon ah ka naw tuinu ung, khit ne m’kaih ne pyang neta na ghü nak ah tuikem hmun ung law püi khai gui. A cu ah kei ah chang gui naw k’phian ba khai gui, nang ah chang gui naw lak khai gui. Nang naw kei ah chang gui am na tui ei nak gui vai ka m’hni ci nei.”

1 GHANGPUGHANG GUI 5:9 Referans Kwoze

EZEKIEL 27:17

Judah la Israel gui naw nang ah khawh cu, cuung htang, khoitui, oliv-situi la tui ng’ui awn hleih lawk ci gui.

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

LAMKTU 12:20

Herod cu Tire la Sidon ung om ci gui ah chang gui ah khan ah ang htei ah m’lung she khätah, ngami cu ng’cut u ne ani cu hmuk khai gui ah lawk ci gui. Ak htük bäih ah mang im uk ciah chang Blastus cu hmuh u netah, ani ah m’gein nak gui awn ghangpughang ah hteit u ne dim gei nak htu pyein ci gui. A i ah kya sei ci ung ngami cu Herod ah kho ungka ei auk vai ami gah tu ah hmawk ah kyak ci.

2 SHONTÄP NAK 2:16

Lebanon Khomhtung ah cedar sing gui na ng’yak hlü avan chu u neta, k’bawng ne pawk u ne, Joppa ah gawk lawk khai ah tui ung kami m’hteh lawk khai nei. Cun ungka naw la ne Jerusalem ah nami hteh püi vai nei” ciah kyak ci.

2 SHONTÄP NAK 1:15

Ani naw a uk yah ung ngui la ghui cu lung ah mäih ah, cedar sing cu sing düüt ah mäih ah Jerusalem ung da ci.

THULÄÄN NAK 3:25

Jordan tuinu na kah sak ä, Bawipa, vangtäng ung khonglei ni la kyom ciah khaw-gui gui, Lebanon khomhtung gui cu na hmuh sak ä.

1 GHANGPUGHANG GUI 5:8

Cun kawn ah Hiram naw Solomon am shikcha ah ng’thumkhä lawk ci, “Kei naw na ng’thumkhäh cu ka gah ci, nang naw nak thäh cun phi be ge vai ah ka yum ci. Kei naw cedar sing la m’htai ghing gui cu ka ning pek khai.

1 GHANGPUGHANG GUI 5:10

Cun ah kyasei Hiram naw Solomon naw ang yak hlü ah cedar sing gui la m’htai tung gui cu pe tak ci.

1 GHANGPUGHANG GUI 9:27

Ghangpughang Hiram naw htinpaw ung bii bi thei ciah chang gui cu Solomon ah chang gui awn bii bi ghawm khai gui ah tüi lawk ci.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

2 SHONTÄP NAK 9:22

Ghangpughang Solomon cu khomdek khan ung a hei ghangpughang gui ah ta, bühmang pi ne, cüi vai pi ci.

JOB 32:8

Cun ung phi cun cu m’gäi ciah Khanpughi ah mumcha, cun cu law ne chang gui am cüivai nak pe gui ci,

THUSHÄUTU 1:16

Kei naw ka mät ka pyen nak ci, “Kei cu dämduh ciah chang ah ka kyak pyi ci, ka hnu ung Jerusalem uk ci gui ah ka cüivai pi ci. Cüivai nak la hmuhmat nak akcang cu kei naw ka hmat ci.”