1 GHANGPUGHANG GUI 5:5 - Cho Bible Common Language 2016

⁵ Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.

1 GHANGPUGHANG GUI 5:5 Referans Kwoze

1 SHONTÄP NAK 22:10

Ani naw kei ah phäh ah Taigüim co khai. Ani cu kei ah hta ah kyak khai, kei cu ani ah pa ah ka kyak khai. Ani ah mangshon naw Israel cu khonglän ung uk khai” cik ci.

1 SHONTÄP NAK 17:12

Ani cu kei ah phäh ah Taigüim co ciah kyak khai, ani ah mangshon cu khonglän ung khäng khai ah ka pyang khai.

1 SHONTÄP NAK 28:6

Bawipa naw kei cu na pyen nak ci, “Nang ah hta Solomon cu kei ah Taigüim co khai ah chang tumat ah kyak ci. Kei naw ani cu ka hta ah ka ghü ci, kei cu ani ah pa ah ka kyak khai.

1 SHONTÄP NAK 28:10

Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”

1 GHANGPUGHANG GUI 8:19

Cun ung phi nang naw kä na co hlawt khai. Kei ah Taigüim co khai cu, nang ah hta, namät ah hta ah kyak ci!

TAIGÜTHUM 25:18

Bawipa ah thukhän gui la thumkhän gui cu avan nami läk vai, cun ung nangmi cu shin ah khaw ung phyawng ne nami om khai.

TAIGÜTHUM 25:19

Khaw ng’lei naw geit gui m’thawk sak khai, nami ei hlü phung avan nangmi ung om khai, nangmi cu phyawng ne nami om khai.

THULÄÄN NAK 33:28

Cun ah kiasei Jakob ah htangshon gui cu Ding gei sei om ci gui. Htang la sapyit tui ah be nak khaw cu geing nak ci gui. Acu ah khomik ungka dam tui naw khaw ng’lei tui awn shawi ci.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

2 GHANGPUGHANG GUI 18:31

Hezekiah cu kä nami ngaih vai. Assiria uktubawi naw ning thumkhän gui ci, mang gaw ah akpung ah lut law ne nami dawkphah vai. Nami van naw nami sapyit phung ungka sapyit nami ei khai, nami thei ghing ungka thei nami ei khai, nami mät ah tui shawk ungka tui nami awk khai —

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”