1 GHANGPUGHANG GUI 4:25 - Cho Bible Common Language 2016

²⁵ Ani a ghin ah chuih Judah la Israel gui cu phyawn m’htein ne om ci gui, ami kyong khui päng cu amät ah sapyit lo, thei ghing gui phäh phäh awn om ci gui.

1 GHANGPUGHANG GUI 4:25 Referans Kwoze

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”

2 GHANGPUGHANG GUI 18:31

Hezekiah cu kä nami ngaih vai. Assiria uktubawi naw ning thumkhän gui ci, mang gaw ah akpung ah lut law ne nami dawkphah vai. Nami van naw nami sapyit phung ungka sapyit nami ei khai, nami thei ghing ungka thei nami ei khai, nami mät ah tui shawk ungka tui nami awk khai —

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

EZEKIEL 38:11

Nang naw am gein kaa ah om ciah khopäng cu tuk vai ah na k’bäi khai, acun ung chang gui cu ding gei ne ngaih gep sei, shungvong nak kä om ciah gawpaang ung om ci gui.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

2 SAMUEL 24:15

Cun ah kyasei Bawipa naw Israel gui ah khan ah leigai yuk chah ci, cun cu a khaw ngawi tün ne, ani naw a ghü nak ah akhin ung khüt ci. Ami khaw Israel chang phia phia chih sik ci gui.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

1 SHONTÄP NAK 22:9

A i ah a kyak ung phi ani naw kei ung shai a tak om ci. Ani naw, “Nang ung na htapa tumat om khai, ani naw dimdeih nak awn uk khai, a i ah kyasei ci ung a ga gui avan ungka kei naw dimdeeih nak ka pek khai. Ani ah ming cu Solomon ah kyak khai, a i ah kyasei ci ung, ani naw a uk sangung kei naw Israel am dimdeeih nak la ngaih gep nak ka pek khai.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

EZEKIEL 39:26

Ngami cu a u naw kä m’kyihkyawk gui sei ami khaw ung phyawng gai ne ami om law ba ah a kyak ung, kei kä ami na bekhüt nak ah phäh ah ami thui ng’aa cu ngami naw m’hnih hning khai gui nei.