1 GHANGPUGHANG GUI 4:13 - Cho Bible Common Language 2016

¹³ Benkeber: Kilead ung Romoth mang gaw, Menasseh ah hta ng’shon, Jair pahta gui ah päng Kilead ung pigaw gui la Bashan ung Arkob khawpäng, avan gawnu m’kawm chuk kip, cun gui gaw k’pang sa u ne, m’kawt cu kyeei tawn gui awn khai ah kyak ci.

1 GHANGPUGHANG GUI 4:13 Referans Kwoze

THULÄÄN NAK 3:4

Acun ah a khin ung keimi naw a gawnu gui avan kami khäm ci. Kä kami lak tu a i kä om ci. Avan ah ng’dawn gawnu chukkip kami khäm ci, Bashan ghangpughang Og ah uknak Arkob khaw avan ah kyak ci.

KHEI NAK 32:41

Manasseh pakhui ungka, Jaira gui naw pigaw amshah cu tu ne khäm u ne, cun gui ah ming cu “Jaira pigaw” ah sui ci gui.

1 GHANGPUGHANG GUI 22:3

Ahab naw a bawi gui ng’shi gui ci, “A i ah kyasei Kilead khaw Ramoth gawnu cu Siria ghangpughang ah kut ungka kä mi gah ba ang? Cän cu mikmi ah ka nei!”

SAM 68:15

Hlüng tai ciah Bashan m’htung, m’htung lai akda om ciah m’htung!

SAM 22:12

Gaa akda naw sei gui ah mäih ah kya ne na koi ci gui; ngami ami van naw Bashan sei nget ah mäih ah kya ne na k’fi ci gui.

2 GHANGPUGHANG GUI 9:14

Jehu naw ghangpughang Joram cu tuk vai ah pawng ci, cun yah ung ani cu Siria ghangpughang Hazela awn Ramoth ung ami ng’tuk nak ung a leim m’tui ne Jezreela ung om ci. Cun ah kyasei Jehu naw a bawi gui am, “Nangmi cu kei awn a täng ah nami om ciah a kyak ung, Jezreela chang gui am ng’thu m’thein khai ah a u phi Ramoth ungka kä a luh en lawk khai ah na mi m’thein vai” cik ci.

2 GHANGPUGHANG GUI 9:1

Cun yah ung prophet Elisha naw chang nong prophet cu khü neta a pyen nak cu, “Pawng ne, Kilead kho Ramoth ah hteit ä. Shin ah oliv-situi k’am hteh püi ä,

JOSHUA 21:38

Kad pakhui ah kaa ungka mang gaw phli gah ci gui, Kilead ungka Ramoth lacun ung khuli khaw gui (ng’yiinak mang gaw tumat), Mahanaim,

JOSHUA 20:8

Jordan akiang täng, Jerikho ah aking khaw ng’gau ung Reuben khopäng Beyera cu ghü ci gui. Kad khopäng Kilead ung Ramoth; la Manasseh khopäng Bashan ung Kolan cu ghü ci gui.

THULÄÄN NAK 4:43

Reuben pakhui ah phäh ah bungpuk ah m’htung hlüng ung om ciah Bezer mang gaw, Kad pakhui ah phäh ah Kilead khopäng ung om ciah Ramoth mang gaw, Manasseh pakhui ah phäh ah Bashan khopäng ung om ciah Kolan mang gaw gui ah kyak ci.

THULÄÄN NAK 3:8

“Cun yah ung keimi naw Amorit ghangpughang hnih ah ka, Jordan tuinu a kiangtäng khaw Arnon tuinu ungka naw Hermon M’htung ung khüt sei ka mi lak ci.

THULÄÄN NAK 3:10

Keimi naw Bashan ghangpughang Og ah khopäng avan kami lak ci. Güng lai ung mang gaw gui, Kilead la Bashan khaw, Akiang lam Salekah la Edrei gawnu gui ung khüt sei kami lak ci.”

1 SHONTÄP NAK 2:23

Keshura la Aram uknak naw gawnu chuk kip cu näng u ne, Jaira la Kenath ung pigaw hta gui la apeiyung ah gawnu gui phi khäm ci gui. A cu ah om ciah chang gui ami van cu Kilead ah pa, Machira ah hta ng’shon gui ah kyak ci.