1 GHANGPUGHANG GUI 4:12 - Cho Bible Common Language 2016

¹² Ahilud ah hta Baana: Mang gaw gui: Taanach, Mekiddo, la Beth Shan ah pei ah khawpäng avan, Zarethan gawnu pei, Jezreela gawnu ah a htumtäng Abel Meholah la Jokneam mang gaw ung khüt ci.

1 GHANGPUGHANG GUI 4:12 Referans Kwoze

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

1 GHANGPUGHANG GUI 19:16

Nimshi ah hta Jehu cu Israel ghangpughang ah hmoh ä, Abel Mehola ungka Shaphat ah hta Elisha cu nang ah hnün ung prophet ah kya ba khai ah hmoh ä.

SUKI GUI 5:19

Mekiddo tui-kem, Taanakh ung ghangpughang gui law ne tu lawk ci gui: Kanaan ghangpughang gui naw tu lawk ci gui, cun ung phi ngami naw a i ngui phi kä püi ci gui.

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

1 SHONTÄP NAK 6:68

Jokmeam, Beth Horon,

1 GHANGPUGHANG GUI 18:46

Bawipa ah huham cu Elijah ah khan ah gawk law sei; a suisak awn a khei htün ne khit neta, Jezreela ah hteh nak lam avan ung Ahab ah ma ung dawng ne ana hteit ci.

1 GHANGPUGHANG GUI 7:46

Ghangpughang naw shin gui avan cu Jordan khongnawi Sukkoth la Zarethan ah anglak m’si shep nak ung a pyan ah kyak ci.

1 SAMUEL 31:12

a m’gäipi bäih düi law htük khäta, amü pum hteit ne Beth Shan ah lawk ci gui. Ngami naw Saul la a hta gui ah pum sa gui cu k’pang ung ka la u neta, Jebesh ah hteh püi ba u ne, m’khih ne m’cim ci gui.

1 SAMUEL 31:10

Ani ah li khim gui cu ami khanpughinu Astarte ah Taigüim ung tai ci gui, a pum cu Beth Shan mang gaw k’pang ung khen ne tai ci gui.

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

JOSHUA 12:22

Kedesh, Jokneam (Karmela khaw),

1 SAMUEL 18:19

Cun ung phi Merab cu David am ami pek vai a khin gawk law ung, a hei pami Meholah ah ka Adriel am pe tuk ci gui.