1 GHANGPUGHANG GUI 3:9 - Cho Bible Common Language 2016

⁹ Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

1 GHANGPUGHANG GUI 3:9 Referans Kwoze

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

NG'THU K'THUUK~ 16:16

Cuivai nak la lunglang nak cu ghui la ngui ah ta ba pi ci — ba pikbähih ci.

HEBRU 5:14

Guh ciah buh ei cicu ang vai pyi ah kyak ci, khritha ak ni ak she bui aut ne m’khoi chaa thei pyi ciah kyak ci.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

2 SAMUEL 14:17

Ka mät naw ka mät ka pyen ci bawi aw, na shaitak naw kei cu nak phyawn khai, a i ah kyasei ci ung ghangpughang cu Khanpughi ah khanchang ah mäih ah kya ne, ak ni, ak kaa cu m’khoi m’cha hning ci. Bawipa na Khanpughi cu nang awn a täng ah om sä!” cik ci.

1 SHONTÄP NAK 22:12

Bawipa na Khanpughi naw akthuuk hmat nak la cüivai nak cu ning pe sä, cun ung nang naw Israel khaw cu ang thukhän ah mäih ah na uk khai.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

EPHESIAN 5:17

Cun ah kyasei ak gu k’aang ah kä nami om men vai, Bawipa naw nami bi vai ang yak hlü cu k’tha nah ne nami shui vai nei.

SAM 119:144

Na m’shüm thein nak cu angtäi sei taga ci, hmuhmat nak cu na yuk pe ä, kei ka ghing khai nei.

SAM 119:34

Na thukhän cu kei am na m’thein ä, kei naw ka läk khai nei. Ka m’lung avan awn ka shüm khai nei.

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

MATTHE 3:14

Cun ung phi Johan naw, “Kei cu nang naw tuinim nak na na pek khai ah kyak ci, cun ung phi kei ah nang na lawk ci ma?” cine ana maa nak ci.

THUSHÄUTU 7:11

Ghing ne om ciah chang phung cu a cüivai ah khin ci; cun cu pupa khawh gah ah mäih ah nik ci,

NG'THU K'THUUK~ 20:12

Bawipa naw hmuh nak vai ah mik la ng’yak nak vai ah hnga cu na pe gui ci.

2 SHONTÄP NAK 1:10

Cun ah kyasei ngami ah khan ah ka uknak hning vai ah kei ung hlü ciah cüivai nak la lunglang nak cu na yuk pe ä. Kä cun ung shin ah dämduh ciah na chang gui cu kei naw a i hawkcha ah ka uk gui khai aw?” cine m’hlan ba ci.

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

PHILIPPIAN 1:10

Cun ah kya sei nangmi naw ak ni pi cu nami ghü hning khai nei. Cun ung vah nangmi cu Bawi Khrit a law ba hnüüp ung, m’kat nak kä om ciah kä theingthap nak cu nami phiawn nak khai.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

THUSHÄUTU 7:19

Uktu chang gha naw mang gaw tumat ah phäh ah ami bi hning ah ta, cüivai nak naw chang tumat phäh ah bi hning pi ci.

JEREMIAH 1:6

Kei naw ka m’shang ci, “Uk ciah Bawipa kei ka hmaw aih ci, a i hawkcha cha ka ng’htau vai kä ka hmat ci.”

NG'THU K'THUUK~ 14:8

A i ah kyasei lunglang ciah chang a vuivai ang? A i ah kyasei ci ung ani naw ai a bi vai hmat ci. A i ah kyasei ang lam ciah chang a gu ang ang? A i ah kyasei ci ung ani naw a hmat hta bang ngaih tuh ci.

SAM 119:73

Nang naw na tüisho ne, phyawn vai ah na na shung ci; Hmuhmat nak na peä, cun ung na thukhän cu ka ng’thei thei khai.

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

1 GHANGPUGHANG GUI 3:10

Solomon naw shikcha ah akthäh ah phäh ah Bawipa cu yeikyai ci,

1 GHANGPUGHANG GUI 10:24

khaw ah ka ungka avan cu ani ah law hlük ci gui, Khanpughi naw ani am a pek ah cüivai nak cu ng’ngai law hlük ci gui.

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.