1 GHANGPUGHANG GUI 3:6 - Cho Bible Common Language 2016

⁶ Solomon naw, “Nang naw angtäi sei, na changshäm kapa David ung dämduh ciah m’hni nak cu na m’dang ci. Ani cu nang ung ang mätyah nak awn ni ne, bekhüt ne, düng ciah kyak ci. Nang naw k’täi ne, amät ah hnün ung tuhngawi uk ba khai ah htapa pe ne, dämduh ci la ng’täi ciah na m’hni nak cu na m’dang ci.

1 GHANGPUGHANG GUI 3:6 Referans Kwoze

1 GHANGPUGHANG GUI 9:4

Nang cu napa David ah mäih ah düng ne bä ne, kei ah bii bi ne, kei ah ka thukhän gui la ka ng’thumkhän phung cu na läk ah a kyak ung,

1 GHANGPUGHANG GUI 1:48

taigü ci, ‘Israel Khanpughi, Bawipa cu mi m’tamkhah khai nei, ani naw kei ah ka hta ng’shon gui ungka tumat cu, kei ah hnün ung ghangpughang ah ngoh sak ci nei, acun ka hmuk khai ah kei cu na ghin sak ci nei!”

2 KORIN 9:11

Nangmi naw angtäi sei nami ng’khailang nak vai ah Khanpughi naw ak phlüt sei bühmang nak ning pe gui khai nei. Nangmi ah peittaak nak keimi ah kut ung gah ci gui naw Khanpughi cu m’hlüngtai khai gui nei.

1 GHANGPUGHANG GUI 2:4

Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

2 KORIN 9:5

Cun ah kyasei a hei nami taak ah mäih ah nami peit vai na mi nam shei nak vai ah, shin ah phäinau gui tüih law gui ma vai ah hlü ciah ka ngai ci nei. Kei ka gawk law ung nami nam shei pyi ah kyasei, peit vai ah kyasei peit ah kä kyak ciah, yum nak awn peit cu dang khai nei.

SAM 119:17

Na na changshäm ung ni nak na pe ä, cun ung kei naw ghin na ne, na m’theithang cu ka läk khai nei.

SAM 116:7

Ka mumcha, m’lung üp ä, kei ah khan ah Bawipa cu bä pyi ci nei.

SAM 15:2

Cun cu, avan cung Khanpughi ngai ne, angtäi sei düng nak bik ne, ang’thu cu düng ne, ng’awi gi sei,

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

2 SAMUEL 7:5

Kei naw ka pyen nak cu ka changshäm David am hteit ne m’thein ä, “Nang cu kei ah om nak vai, kei ah phäh ah pum im co khai ah chang ah kä na kyak ci.

KHEI NAK 12:7

Cun ung phi ka changshäm Moses ka ng’thu püi cu ak küi ah kyak ci. Israel chang avan ung tängpang khai ah kei naw ani cu ka tha ah kyak ci.

SAM 13:6

O Bawipa, ng’äi ka ning m’cu khai, Kei ah khan ah na bä aih ci nei.

1 GHANGPUGHANG GUI 15:5

Cun ah Bawipa naw abi cu a i ah kyasei ci ung David naw ani ah yeikyai nak vai bi ne, Hittite chang Uriah chang ah mawng ah kawn ah, ani ah ah thumkhän kä läk nak api phi kä a om ah hmawk ah kyak ci.

1 GHANGPUGHANG GUI 3:14

Kei na ng’ngai ne ka thukhän gui la ka thumkhän gui cu na pa David ah mäih ah na k’pan ah a kyak ung kei naw ghin nak ang sau ka ning pek khai.”

2 SHONTÄP NAK 1:8

Solomon naw, “Nang naw kapa David ah phäh ah angtäi sei dämduh ciah m’hni nak cu na m’dang ci, tuhbäi kei cu ani ah hnün ung ghangpughang ah na na ngoh sak ci.

ATÜNNAK 24:40

Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei.

2 SAMUEL 22:21

Bawipa naw na m’cümhnah ci, a i ah kyasei ci ung kei naw hman ci ka bik ci; Ani naw hriham na pek ci, a i ah kyasei ci ung kei changni ah ka kyak ci.

2 SAMUEL 22:25

Cun ah kyasei ani naw na m’cümhnah ci, a i ah kyasei ci ung, kei naw hma ci ka bik ci. A i ah kyasei ci ung, ani naw kei chang k’ni ah na hmat ci.