1 GHANGPUGHANG GUI 3:5 - Cho Bible Common Language 2016

⁵ A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

1 GHANGPUGHANG GUI 3:5 Referans Kwoze

1 GHANGPUGHANG GUI 9:2

Kibeon ung ang dang ah mäih ah Bawipa cu ani ah ma ah ng’dang law ba ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

MAKUH 10:36

Bawipa Jesuh naw, “A i ang nani ng’yak hlü” cine ng’shi goi ci.

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

1 GHANGPUGHANG GUI 11:9

Cun ung phi Bawipa, Israel Khanpughi cu Solomon ah ma ah hnih vei ng’dang neta a khaw hei khanpughi gui kä ami khawihnah vai ah thumkhän ci, Solomon naw Bawipa cu kä ngai ci, ani ungka naw a hei ah ng’hlat ci. Cun ah kyasei Bawipa naw Solomon ah khan ah m’lungshe neta

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

MATTHE 2:19

Herod asih kawn ah Khanpughi ah khankho chang naw, Ejip kho ah Josef ah ih mang ung,

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.