1 GHANGPUGHANG GUI 3:26 - Cho Bible Common Language 2016

²⁶ Anu akcang, a hta akbe ah m’hni ciah hnumi naw, ghangpughang ah ma ah pyen ci,” na bä ni, ka bawi, ak hmaw cu kä ngawn ä! Cän ah hnumi am pen ä! cik ci. Cun ung phi a hei hnumi naw, “A u am phi kä na pen en goi vä, hnih ah m’chün vä” cik ci.

1 GHANGPUGHANG GUI 3:26 Referans Kwoze

ISAIAH 49:15

Cun ah kyasei Bawipa naw m’shang gui ci, “Hnumi tumat naw amät ah hta hta cu m’hnih hning khai aw? A hta nak ah a hmaw cu kä m’hni ah om khai aw?

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

1 JOHAN 3:17

Bämang ciah chang ah kya lang ne, a phäi nau tumat mat geinvai sei hmu netah am lung choh khai ciah chang cun naw, a i hawk chaa ah Khanpughi kam hni ci nei, a ci thei vai ang?

ATÜNNAK 43:30

Joseph cu anau ah phäh ah amhni nak m’lung na aih khäta, ang ghit ah ng’düi law ne kyong ah va lut ba ne, akhan kyong ah kyap ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

PHILIPPIAN 2:1

Bawi Khrit ung nami ghin nak naw ning khüighaat sak gui ne, ani ah m’hni nak naw nami m’lung ning üp sak gui ci. Nang mi cu Mumcha awn ng’geicam nak om ci; tumat la tumat chimgein nak la m’hteihtang nak tu phi om ci.

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

2 TIMOTHI 3:3

Ngahmi cu m’gein nak kä om ci, chihna nak kä om ci, chang ah ming m’shet ci, m’gäi m’cik ci, hlawhlang ciah kyak khai gui nei; ak ni phung cu thüi nak khai gui nei.

ROMAN 1:31

A mi om she yawp sei, ami shaitaak ah phi kä om ci gui, ami paw chang phi kä chimgein ci gui.

SAM 39:3

Kei cu cäi ng’ä nak naw na näng ci, Ngaih tüh law pi ne, ka gein vai law pi ci, cun cu kä pyen ne kä ka om hlawt ci nei,

1 GHANGPUGHANG GUI 3:25

ani naw, “A hmaw cu hnih ah kyak khai ah tupit neta hnumi am avang ci pe vä,” cik ci.

1 GHANGPUGHANG GUI 3:27

Solomon naw pyen ci, “Ak hmaw cu kä ngawn vä! Ak htük ah hnumi am pe vä — ani cu anu akcang ah kyak ci nei” cik ci.