1 GHANGPUGHANG GUI 3:12 - Cho Bible Common Language 2016

¹² nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

1 GHANGPUGHANG GUI 3:12 Referans Kwoze

THUSHÄUTU 1:16

Kei naw ka mät ka pyen nak ci, “Kei cu dämduh ciah chang ah ka kyak pyi ci, ka hnu ung Jerusalem uk ci gui ah ka cüivai pi ci. Cüivai nak la hmuhmat nak akcang cu kei naw ka hmat ci.”

MATTHE 12:42

Sheba kho päng ciah ghangpughangnu cu, hmuhmat pi ciah Solomon ghangpughang ah ng’thu ngai tuk khai ah gawk law pyii ci nei. M’khoichaa nak ah hnüüp ung ani naw ng’düi law ne, nangmi cu ning k’taap gui khai nei. Kei naw akcang ka pyein cu, shin ung tuhbäi Solomon ghangpughang ah mä hlüngtai pi ci, gawk law pyii ci nei.

1 GHANGPUGHANG GUI 5:12

Bawipa naw a shaitak cu k’pang ne Solomon am cüivai nak cu pek ci. Hiram la Solomon ah ng’lak ung dimdeeih nak om sei, ngani cu tumat la tumat sumlei ci goi.

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

2 SHONTÄP NAK 2:12

Khankho la khomdek tüisho ciah Israel gui ah Bawipa Khanpughi cu m’hlüngtai vä! Ani naw David ghangpughang am cüivai ciah htapa cu pek ci nei, ani ung hmuhmat nak la m’khüt näng nak ak be ap ci nei, tuhbäi ani naw Bawipa ah Taigüim la amät ah mang im cu co khai ah pawng ci nei.

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

1 GHANGPUGHANG GUI 2:9

Cun ung phi ani kä m’kyuk ah kä na nawng en vai. A i bi vai cu nang naw na hmat ci, ani am sihnak pek nak vai cu nang naw na hmat vai” ciah pyen nak ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

1 GHANGPUGHANG GUI 2:6

A i bi vai cu nang naw na hmat ci; nang naw ani cu k’dim ung kä na sih en sak vai.

NG'THU K'THUUK~ 2:6

Bawipa naw cüivai nak cu pek ci, hmuhmat nak la langkha nak cu ani ungka lawk ci.

DANIEL 1:17

Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

THULÄÄN NAK 34:9

Nun ah hta Joshua cu cüivai nak awn be ci. A i ah kyasei ci ung Moses naw ani cu a hnün ung ngok khai ah amdüih shüt ah kyak ci. Israel chang gui naw Joshua ah ng’thu cu läk u ne, Bawipa naw Moses ung a pek gui ah thumkhän gui cu pang ci gui.

1 GHANGPUGHANG GUI 5:9

Kei ah ka chang gui naw singtung gui cu Lebanon ah ka naw tuinu ung, khit ne m’kaih ne pyang neta na ghü nak ah tuikem hmun ung law püi khai gui. A cu ah kei ah chang gui naw k’phian ba khai gui, nang ah chang gui naw lak khai gui. Nang naw kei ah chang gui am na tui ei nak gui vai ka m’hni ci nei.”

1 SHONTÄP NAK 29:25

Bawipa naw Solomon cu Israel pakhui avan ah khan ah m’tamkhah ne Israel uk man ciah ghangpughang gui ah ta bä pi ciah bämang nak cu pek ci.”

NEHEMIAH 13:26

Ghangpughang Solomon katnak bi sak cicu akhawhei hnumi ah kyak ci. Ani cu changpakhui gui ah ghangpughang gui päng ah dämduh pi ciah chang tumat ah kyak ci. Ani shin ah katnak ung gawk pang sei phi, ani cu Khanpughi naw m’hni ne, Israel khaw avan ah khan ah ghangpughang ah kyak sak ci.