1 GHANGPUGHANG GUI 22:8 - Cho Bible Common Language 2016

⁸ Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 22:8 Referans Kwoze

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

AMOS 5:10

Nangmi chang gui naw kä taga ci m’taga ne, mang ah m’kawt ung düng sei ng’thu cicu nami thüi nak ci.

KALATIAN 4:16

Tuhbäi kei naw düng ci ka pyein ah hmawk ah, nami gaa ah ka kyai law bawk khai ang?

MIKHAH 2:7

Israel chang gui cu taam gui khai ah nami ngai ne ma? Bawipa ah hnimgei nak maih hning khai ma? Cun ah mäih ah ani naw akcang ah bik khai ma? Düng ciah chang gui cu m’gein ne kä ng’thu khai ma?” ciah kyak ci.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

NG'THU K'THUUK~ 15:12

Amlung m’dam ci naw chang ah m’shung dung ka ng’ya hlük ci, cuivai pi ci naw m’shumthein vai ka thah ci.

NG'THU K'THUUK~ 9:8

A u a i ah kä hum tuk ciah chang cu kä nami m’cäi tu vai. Ani naw ning thüi nak gui khai. Cun ung phi cüivai ciah chang nami m’cäi m’ä tu ung ani naw ning chang m’sui gui khai.

SAM 34:21

Changshe cu akshe naw ngawn khai; Ng’düng ciah chang thüi nak ci cu, m’kyuk nak om khai.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 GHANGPUGHANG GUI 9:22

“Nang cu dimdeih nak awn na lawk ci ma?” cine Joram naw ng’shik ci. Jehu naw, “A i hawkcha ah dimdeih nak a om vai ang? Mikmi ung na nu Jezebela naw a tün ah cunce nak la a gup khawihnah nak cu om lä ci nei” cik ci.

1 GHANGPUGHANG GUI 22:27

Ani cu pang ne chum ne, kei phyawng gai ne ka gawk law ba güt ung m’htut m’bei ne tui nami tu vai nei” cik ci.

1 GHANGPUGHANG GUI 22:13

Cun sang ung Mikaiah va khü ciah bawi naw ani am, “A hei prophet gui ami van naw ghangpughang ah näng nak vai ah ng’cängbang ci gui, nang naw phi acun ah mäih na bi ung bä pi khai” ciah pyen nak ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 19:14

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang ah bii bäng nei ka bi. Cun ung phi Israel chang gui naw nang awn ng’thukhän cu m’shet u ne, na sonkiang cu phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei” cik ci.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

ATÜNNAK 37:8

A phäi gui naw, “Nang cu ghanpughang ah kya ne keimi na na uk gui khai ah na ngai ne ma, ci u neta ang mang a shui ah phäh ah gen law piktäi ci gui.

1 GHANGPUGHANG GUI 22:7

Cun ung phi Jehoshaphat naw, “Bawipa mi ng’shi thäh nak vai ah a hei prophet om ba ne ang?” cine ng’shik ci.

1 GHANGPUGHANG GUI 22:9

Ahab naw yungbawi tumat khü neta Mikaiah cu ang ghit ah a law püi vai ah pyen nak ci.

1 GHANGPUGHANG GUI 22:18

Ahab naw Jehoshaphat pyen nak ci, “Kei naw ka ning m’thein pyi ci, ani naw kei ah phäh ah a i ah ung phi akni ah kä ng’cängbang man ci. Akshe laih laih ah va pyen ci.”

JEREMIAH 36:23

Jehudi naw päk thum päk phili vai phat khäta, ghangpughang naw khim hta awn kiük ne mei ung k’cawm ci. Ani cu cun ah ca k’chaw mei naw a uih yawp güt acun ah cik ci.

NG'THU K'THUUK~ 29:10

Ng’sai gha ciah chang gui naw changnicu thüi nak ci gui. Cun ung phi düng ciah chang gui naw cun ah mäih ah changniah hnun gui cu shungvong ci gui.