1 GHANGPUGHANG GUI 22:6 - Cho Bible Common Language 2016

⁶ Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

1 GHANGPUGHANG GUI 22:6 Referans Kwoze

1 GHANGPUGHANG GUI 18:19

Tuhbäi Israel chang gui avan Karmela M’htung ah law ne ami na hmuh law vai ah k’thäh gui ä. Baala ah prophet 450 la Asherah khanpughinu ah prophet 400, Ghangpughangnu Jezebela ah akbäi gui cu nami law püi gui vai nei.

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

2 TIMOTHI 4:3

Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

2 SHONTÄP NAK 18:14

Ani cu Ghangpughang Ahab ah pei ah law khäta, ghangpughang naw angshi cu, “Mikaiah aw, Ghangpughang Jehoshaphat la kei naw Ramoth cu kani tuk vai ang, kä kani tuk vai ang?” Mikaiah naw, “Tu ni ä! Nani ng’näng khai, Bawipa naw näng nak ning pe goi khai nei” cik ci.

1 GHANGPUGHANG GUI 22:15

Ani cu ghangpughang Ahab ah ma ah ng’dang law khäta, ghangpughang naw ng’shik ci, “Mikaiah aw, Ghangpughang Jehoshaphat la kei naw Ramoth cu kani tuk vai ang? Kä kani tuk vai ang? Makaiah naw, “Tu ni ä! Nani näng khai nei. Bawipa naw näng nak ning pe goi khai nei” cik ci.

1 GHANGPUGHANG GUI 22:5

Cun ung phi ak htük ah Bawipa mi shithäk cang khai nei” cik ci.

1 GHANGPUGHANG GUI 22:10

Ghangpughang hnih cu ani mangsui sui ni ne, Samaria gawnu m’kawt ah akpung täng htang m’häi khlawng ani mangkiang ung ngok ci goi, prophet gui ami van cu ngani ah ma ung om ne ng’cängbang ci gui.

2 GHANGPUGHANG GUI 3:13

Elisha naw Israel ghangpughang a pyen nak cu, “A i ah kei naw ka ning m’hteihtang gui vai ang? Na nupa gui ah ng’shi man ah prophet gui cu hteit ne ng’shi gui ä.” Joram naw, “Ka nei! Keimi ghangpughang thum gui Moab ghangpughang ah kut ung na ap gui cicu Bawipa ah kyak ci nei” cik ci.

2 GHANGPUGHANG GUI 10:19

Baala prophet avan, Baala khawihnah ci gui avan, a taigü gui avan, cu a täng ah khü gui vä, a u phi kä k’pawih en sä; kei naw Baala am dämduh ciah douthak nak ka bik khai nei, cun ung kä law tuk cicu ngawn vai nei” cik ci. (Shin cu Jehu naw Baala khawihnah ci gui avan a ngawn gui vai ah phäh ah a theileh ah kyak ci.)

ISAIAH 36:10

Nangmi naw Bawipa ah bawm nak kä om sei, nami kho cu tu ne ka m’di khai ah nami ngai ne ma? Kei naw tu ne ka m’di vai ah Bawipa amät naw na pyen nak ci nei.”

1 GHANGPUGHANG GUI 12:9

Ani naw ng’shi gui ne, “Kei naw ka bilawh vai cu a i cha ah nami na m’cäi m’ä khai ang? Ami phuih yaang sak gui vai ah nak thäh lawk ciah chang gui ah ma ah a i hawkcha ka pyen khai ang?” cine ng’shi gui ci.

1 GHANGPUGHANG GUI 18:20

Cun ah kyasei Ahab naw Israel gui ami van la Baala ah prophet gui cu Karmela M’htung ah k’bum ne ng’hmuh sak gui ci.