1 GHANGPUGHANG GUI 22:5 - Cho Bible Common Language 2016

⁵ Cun ung phi ak htük ah Bawipa mi shithäk cang khai nei” cik ci.

1 GHANGPUGHANG GUI 22:5 Referans Kwoze

JEREMIAH 21:2

“Na bä ni, kei mi ah phäh ah Bawipa ah na thäh pe gui ä, a i ah kyasei ci ung Babilonia ghangpughang Nebukhadnezzar la a gakap gui naw mang gaw cu khai ci gui nei. Bawipa naw keimi ah phäh ah cäi aih vai tumat bawta m’dang ne, Nebukhadnezzar cu ng’hlah ei ba sak hman khai nei.”

2 GHANGPUGHANG GUI 3:11

Ghangpughang Jehoshaphat naw, “Bawipa na ng’shi k’thäh pe gui khai ah prophet tumat mat shin ung kä om ne ma?” cine ng’shik ci. Ghangpughang Joram ah gakap bawi naw, “Shaphat ah hta Elisha om ci nei. Ani cu Elijah tawi ciah kyak ci nei.”

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

EZEKIEL 14:3

“Ani n aw pyen ne, “Hnicim Chang, shin ah chang gui naw ami m’lung cu agup gui am ap u sei, a gup gui naw katnak ung hteh püi gui ci nei. Ngami naw, kei naw m’shan nak ka pe gui khai an ngai u ne ang?

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

2 GHANGPUGHANG GUI 1:3

Cun ung phi Bawipa ah khanchang naw Tishbe ah ka prophet Elijah cu thumkhän ne, Ghangpughang Ahaziah ah ng’shängchang gui cu hteit ne hmu gui ne, ami ng’shi vai a pyen cu, “A i ah kyasei nangmi naw, Ekron Khanpughi, Baalzebub cu hteit ne nami ng’shi vai ang? Nangmi naw Israel ung Khanpughi kä om ciah nami ngai ne ma?

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 23:4

Cun ah kyasei David naw Bawipa ng’shi ba ci, Bawipa naw ani am, “Hteit ne keilah na tuk vai, Philistin gui ah khan ah näng nak vai kei naw ka ning pek khai” cik ci.

1 SAMUEL 23:2

“Hteit ne, Philistin gui ka tu gui vai ang?” cine Bawipa cu ng’shi ci. Bawipa naw, “Ä, ngami tu gui ne, keilah cu gung ä” cik ci.

1 SAMUEL 14:18

Saul naw taigüpa Ahijah am, “Shawi phaw law pui ä” cik ci. (Cun hnüüp ung cun cu Ahijah naw Israel chang gui ah ma ah kawt ci.)

SUKI GUI 20:29

Cun ah kyasei Israel gui naw ami gakap gui cu Kibeah veing ne ng’thuh sak gui ci gui.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

SUKI GUI 1:1

Joshua asih kawn ah Israel chang gui naw Bawipa cu ng’shi u ne, “A u keimi pakhui naw hteit ma ne Kanaanit gui cu tu gui khai ang?”

JOSHUA 9:14

Israel gui naw ami ei amshah cu dou ci gui, cun ung phi Bawipa cu kä ng’shi thäh ci gui.

1 GHANGPUGHANG GUI 22:4

Cun kawn ah Ahab naw Jehoshaphat cu k’thäh ne, “Ramoth tuk vai ah kei awn a täng ah na hteit tuk khai aw?” cik ci. Jeshoshaphat naw, “Nang na hteh vai ah khoi ung kei ka hteit ge khai nei, ka gakap gui la ng’se cum gakap gui phi om ge ci gui nei.

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”