1 GHANGPUGHANG GUI 22:4 - Cho Bible Common Language 2016

⁴ Cun kawn ah Ahab naw Jehoshaphat cu k’thäh ne, “Ramoth tuk vai ah kei awn a täng ah na hteit tuk khai aw?” cik ci. Jeshoshaphat naw, “Nang na hteh vai ah khoi ung kei ka hteit ge khai nei, ka gakap gui la ng’se cum gakap gui phi om ge ci gui nei.

1 GHANGPUGHANG GUI 22:4 Referans Kwoze

2 GHANGPUGHANG GUI 3:7

Ani naw Judah ghangpughang Jehoshaphat am ng’thu m’shäk ci, “Moab ghangpughang naw kei cu na hnungtuk püi ci nei; ani tuk vai ah kei ung na ng’dawn lawk khai aw?” cik ci. Ghangpughang Jehoshaphat naw, “Ä, ka lawk khai nei, kei cu nang ah pyen ah bi vai ah ka om ge ci nei, ka chang gui la ka ng’sela gui om ge ci nei.

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

THU PHLAAN 2:26

Näng nak gah ne, kei ah ka ng’yak hlü ah khaw khüt sei om ciah chang-am Kapa ung ka gah ah huham cu ka pek khai. Cun ah huham cu, changpakhui avan m’si k’hteipawng awn uk gui ne, m’sitawn awn m’dek k’am thah gep ah mäih ah dep nak ah kyak ci. Kei naw ngami-am thaihke aisi phi ka pe gui khai nei.

2 JOHAN 1:11

Ani ana dou ciah chang cu ani ah paw ah kya law ne, shetkat nak bi tuk ciah chang ah kyak ci.

1 KORIN 15:33

Ang lih lat ah kä ngai en vä. “Ang khawt püi a shet ung chang k’ni shek ci.”

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

2 SHONTÄP NAK 18:3

Ani naw, “Ramoth tuk vai ah kei awn a täng ah na hteit tuk khai aw?” cine ng’shik ci. Jehoshaphat naw “Nang na pawng ge ung, kei phi ka pawng ge ci, ka gakap gui phi om ge ci. Nang awn a täng ah kami hteit tuk khai.

1 GHANGPUGHANG GUI 4:13

Benkeber: Kilead ung Romoth mang gaw, Menasseh ah hta ng’shon, Jair pahta gui ah päng Kilead ung pigaw gui la Bashan ung Arkob khawpäng, avan gawnu m’kawm chuk kip, cun gui gaw k’pang sa u ne, m’kawt cu kyeei tawn gui awn khai ah kyak ci.

1 GHANGPUGHANG GUI 22:5

Cun ung phi ak htük ah Bawipa mi shithäk cang khai nei” cik ci.

1 GHANGPUGHANG GUI 22:29

Cun kawn ah Israel ghangpughang Ahab la Judah ghangpughang Jehoshaphat naw Kilead ung Ramoth mang gaw cu tuk ci goi.