1 GHANGPUGHANG GUI 22:3 - Cho Bible Common Language 2016

³ Ahab naw a bawi gui ng’shi gui ci, “A i ah kyasei Kilead khaw Ramoth gawnu cu Siria ghangpughang ah kut ungka kä mi gah ba ang? Cän cu mikmi ah ka nei!”

1 GHANGPUGHANG GUI 22:3 Referans Kwoze

THULÄÄN NAK 4:43

Reuben pakhui ah phäh ah bungpuk ah m’htung hlüng ung om ciah Bezer mang gaw, Kad pakhui ah phäh ah Kilead khopäng ung om ciah Ramoth mang gaw, Manasseh pakhui ah phäh ah Bashan khopäng ung om ciah Kolan mang gaw gui ah kyak ci.

1 GHANGPUGHANG GUI 4:13

Benkeber: Kilead ung Romoth mang gaw, Menasseh ah hta ng’shon, Jair pahta gui ah päng Kilead ung pigaw gui la Bashan ung Arkob khawpäng, avan gawnu m’kawm chuk kip, cun gui gaw k’pang sa u ne, m’kawt cu kyeei tawn gui awn khai ah kyak ci.

JOSHUA 21:38

Kad pakhui ah kaa ungka mang gaw phli gah ci gui, Kilead ungka Ramoth lacun ung khuli khaw gui (ng’yiinak mang gaw tumat), Mahanaim,

2 SAMUEL 19:10

Mikmi naw Absalom cu mi ghangpughang ah mi hmoh ci nei, cun ung phi ani naw ng’tuk nak ung ngawn ci nei. A i ah kyasei Ghangpughang David cu chang gui naw tha na ne ami law püi ba ang?” cik ci gui nei.

SUKI GUI 16:2

Kaza ung chang gui naw Samson a om cu hmu u neta, a om nak ah hmun cu koi u ne, mang gaw m’kawt ung amü pum ngäng ci gui. Ngami cu a mü pum adüm ah om ci gui, ami mät naw ngai u ne, “Mikmi naw khaw a thaih güt mi ngäng khai, cun kawn ah ani cu mi ngawn khai” cik ci gui.

JOSHUA 20:8

Jordan akiang täng, Jerikho ah aking khaw ng’gau ung Reuben khopäng Beyera cu ghü ci gui. Kad khopäng Kilead ung Ramoth; la Manasseh khopäng Bashan ung Kolan cu ghü ci gui.

1 GHANGPUGHANG GUI 22:29

Cun kawn ah Israel ghangpughang Ahab la Judah ghangpughang Jehoshaphat naw Kilead ung Ramoth mang gaw cu tuk ci goi.

2 GHANGPUGHANG GUI 8:28

Ghangpughang Ahaziah cu Israel ghangpughang Joram awn ng’awm neta, Siria ghangpughang Hazela cu tuk ci goi. Gakap gui naw Kilead kho Ramoth cu tuk ci gui, Joram cu ng’tuk nak ung leim ci.

2 GHANGPUGHANG GUI 9:14

Jehu naw ghangpughang Joram cu tuk vai ah pawng ci, cun yah ung ani cu Siria ghangpughang Hazela awn Ramoth ung ami ng’tuk nak ung a leim m’tui ne Jezreela ung om ci. Cun ah kyasei Jehu naw a bawi gui am, “Nangmi cu kei awn a täng ah nami om ciah a kyak ung, Jezreela chang gui am ng’thu m’thein khai ah a u phi Ramoth ungka kä a luh en lawk khai ah na mi m’thein vai” cik ci.

SUKI GUI 18:9

Ngami naw, “Law vä, Laish mi tuk khai nei. Cun ah khaw cu kami hmuk ci, ang htei ah nik ci nei. A i kä bi ne shin ung kä om vä; yang law vä! hteit ne mi lak khai nei!