1 GHANGPUGHANG GUI 21:4 - Cho Bible Common Language 2016

⁴ Ahab cu a im ah hteit ba ne, Naboth naw cun a ci nak ah phäh ah thüi ne m’lungshe ci. Ani cu a ih phak ung ng’yän ne, k’pang täng ah mang ne, ei kä ei ne om ci.

1 GHANGPUGHANG GUI 21:4 Referans Kwoze

1 GHANGPUGHANG GUI 20:43

Ghangpughang cu ng’ä ai thüi sei ne Samaria a im ah hteit ba ci.

JAMES 1:14

Cun ung phi chang tumat tüihtok nak a gah nak cu, amät ah shekak ciah ang yak hlü nak lam ah a läk nak ah kyak ci.

EPHESIAN 4:27

Khoshe-am akhin kä nami peit-en vai nei.

JONAH 4:9

Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.

JONAH 4:1

A cun ah mawng ung Jonah cu am lung kä ni khäta m’lungshe ci.

THUSHÄUTU 6:9

Cun cu a kholä nei; khokhi k’täm ne pha ah mäih ah kyak ci nei. Ang täi sei a i baw ng’ya hlü ne om ah k’dam ah, mät ung om ci awn ng’büh cu bä tuba ci nei.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

1 GHANGPUGHANG GUI 21:3

Naboth naw, “Shin ah sapyitduum cu ka pupa gui ah pakhui kam düng ah kyak ci, shin nang am kei naw ka ning pek vai cu Bawipa naw na maa nak ci nei!” cik ci.

2 SAMUEL 13:4

Jonadab naw Ammon am, “Nang cu ghangpughang ah hta ah na kyak ci, hnüüp ät, hnüüp ät ung thüi ci sei ka ning hmuk ci, Amawng a i ang a om?” cine ng’shik ci. Ani naw, “Kei naw Tamar ka m’hni ci, ani cu ka phäi m’shum Absalom ah be ah kyak ci.

2 SAMUEL 13:2

Ani naw cun ah hnumi cu m’hni aih neta gaw ci, a i ah kyasei ci ung, ani naw cun ah hnumi hta a chu nak vai cu kä yäi ci; ani cu ng’lami hta ah kyasei pami awn kä hmuk khai goi ah ami tha ah kyak ci.

1 SAMUEL 28:23

Saul naw ma neta, a i phi kä ka ei khai nei, cik ci. A bawi gui naw phi ei a ei vai ah m’cäi ci gui. Ak hnu ah ani naw yum ne, m’dek ung ka tho ba ne, ih phak ung ngok ci.

1 GHANGPUGHANG GUI 21:1

Jezreelaa kho ghangpughang Ahab ah mang im pei ah Naboth ming nak ciah chang ah sapyitduum om ci.

1 GHANGPUGHANG GUI 21:5

Ak chu Jezebela cu ani ah hteit neta ng’shik ci, “A i ah kyasei na thüi ang? A i ah kyasei ei kä na ei ang?”

ESTA 5:13

Cun ung phi mang im luh nak ung Jew chang Mordekai ngo sei ka hmuh ah chuih kei ah phäh ah a i phi kä bä khai nei” cik ci.

JONAH 4:4

Bawipa naw, “Nang ung na m’lungshe nak hning vai a i om ne ang?” cine kyak nak ci.

JONAH 4:8

Khaw sou law khäta Khanpughi naw ng’liing ciah hnilaw khokhi cu khi sak khäta, Jonah ah lu ah khan ah hniliing yuk so sei, a cun ah ng’ling ung geinvai ci. Cun ah kya ne ani cu si hlük ci. Ani naw, “Ka ghin nah dam ka sih cu bä khai nei” cik ci.