1 GHANGPUGHANG GUI 21:3 - Cho Bible Common Language 2016

³ Naboth naw, “Shin ah sapyitduum cu ka pupa gui ah pakhui kam düng ah kyak ci, shin nang am kei naw ka ning pek vai cu Bawipa naw na maa nak ci nei!” cik ci.

1 GHANGPUGHANG GUI 21:3 Referans Kwoze

KHEI NAK 36:7

Israel chang ah khawhcham phung cu amät ah pakhui ung om bä bä khai.

TAIGÜTHUM 25:23

Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

EZEKIEL 46:18

Uktu manghta naw chang gui ah khawh cham cu api phi kä lak pe gui hning ci. Ani naw a hta gui am a pek ah khobung cu ani ah ami phäh m’sak ah khaw ungka ah kyak ci. Cun ah kyasei ani naw a khaw lak pe ne ak shedam nak vai a u kä om ci.”

ROMAN 6:15

Cun ah kya sei mikmi cu, katnak ah kaa ah kä om ba ne, Khanpughi ah m’geinsei nak ah kaa ah mi om ci kya sei, katnak mi bik khai ah mi pyein khai ang! Cun ah kä kyak ci.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

1 KORIN 6:15

Nami pumsa cu Bawi Khrih ah pumsa ah ng’phyeekpai ah kyak ciah nami hmat ci. Kei naw Bawi Khrih ah pumsa ng’pai cu la netah, chang hlawhlangnu ah pumsa ng’pai ah ka pyan ung bä khai ang! Kä bä khai nei!

ROMAN 7:13

Cun ah a kyak ung akni naw kei cu na sih sak ne ang! Cun ah kä kyak ci, Kei na sih sak cicu katnak ah kyak ci, kat na cu kei ah ka nupuk ng’tüipüi ah ang dang vai ah, ak ni cu mang ne kei cu ana sih sak ah kyak ci. Cun ah kya sei katnak a i hlawk ah ashetkat ah mawng cu thukhän awn hmat ah kyak ci.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

ROMAN 6:2

Cun ah kä kyak ci nei, katnak mi hnu nah pyi ciah chang cu, a i ah kya sei katnak ung mi ng’len ba lä vai ang!

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

ROMAN 3:6

Cun ah kä kyak ci, Khanpughi kä a ng’düng ah a kyak ung, a i chaa khomdek khan cu m’khoichaa hlawt khai ang!

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

JOB 27:5

Nangmi chang gui ah cangnak ah mawng kä ka pyen phung khai nei. Kei ka sih güt ung kei ung katnak kä a om ah mawng ka pyen khai nei.

1 SHONTÄP NAK 11:19

a pyen cu, “Kei naw shin kä ka awk hlawt khai! Shin awk cu a ghin nak pe ne tui than ciah asi awk awn täng ci!” cik ci. Cun ah kyasei ani naw kä awk ci. Shin cu mingthang ciah chang m’gäi thum ah m’gäi thum ah m’gäi ne ami bi nak ah kyak ci.

1 SAMUEL 24:6

ani naw ak chang gui am, “Bawipa naw ka bawi ah khan ah nat nak kä ka bi vai ah na k’pang ci, ani cu Bawipa naw ghangpughang ah a ghü ah kyak ci! Kei naw ani api ah phi kä ka nat sak khai, ani cu Bawipa naw a ghü ah ghangpughang ah kyak ci!”

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

JOSHUA 24:16

Chang gui naw m’shang ba u ne, “Keimi naw a hei Khanpughi ah bii bi vai ah Bawipa cu kä kami nawng khai nei!

JOSHUA 22:29

Keimi naw Bawipa cu akcang ah kä kami hnungtuk püi ci, m’khih ne douthak nak vai, htang douthak nak vai la khawihnah nak vai ah sonkyang co ne, a hnu ah läk nak kami ng’düm ciah kä kyak ci. Bawipa ah om nak ah Phung ah ma ah ng’düi ciah Bawipa mi Khanpughi ah sonkiang ah kawn ah keimi naw a hei sonkyang kä kami co ci nei” cik ci gui.

ATÜNNAK 44:17

Joseph naw, “Ka nei, cu cha kä ka bik khai nei. Khap hmuh nak ah chang bäng vah ka changshäm ah hmoh vai nei, k’pawih ba ci gui cu nami pa ah phyawng gai ne hteit ba vä” cik ci.

ATÜNNAK 44:7

Ngami naw ani am, “Bawi aw, a i ah kyasei cu cha ah na pyen ang? Keimi kami ng’gun ci, cu cha ah kä kami kyak ci nei.

KHEI NAK 36:9

Khawh cham cu pakhui tumat ungka naw a hei pakhui ah kä ng’dou vai. A mät ah pakhui phäh phäh naw amät ah khawh cu a khäm vai.”