1 GHANGPUGHANG GUI 21:2 - Cho Bible Common Language 2016

² Hnüüp ät ung Ahab naw Naboth a pyen nak cu, “Na sapyitduum cu na pe tu ba ä; cun cu kei ah mang im pei ung om ci nei, kei naw thui an geit nak ah duum ah ka ng’ya hlük ci nei. A cän ah phäh ah ni pi ciah duum cu ka ning pek khai nei,

1 GHANGPUGHANG GUI 21:2 Referans Kwoze

1 SAMUEL 8:14

Ani naw aknipi nami lo, sapyit lo la olive lo gui cu la ne a bawi gui am pe gui khai.

1 TIMOTHI 6:9

Bühmang hlük ciah chang gui cu tüihtok nak gah thei ci gui nei, ngami cu m’ghämce ne shetkat nak ah ng’yak nak hlü naw pha gui thei ci nei, cun ah yak hlü nak naw ngami cu didap sak gui thei ci nei.

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

SOLOMON NG’Ä~ 4:15

Tui ah ni nak ah u-yin, tui hta gui phi long ci, Tuilawng gui phi Lebanon khomhtung gui ungka long lawk ci.

THUSHÄUTU 2:5

Kei naw dum gui, lo gui ka geit ci, a cun ung sing theih gui avan om ci;

2 GHANGPUGHANG GUI 9:27

Cun gui cu ghangpughang Ahaziah naw hmu neta, a yatha awn Beth Haggan täng ah dawng ci, Jehu naw gawt lawk ci. Jehu naw a chang gui am, “Ani phi ngawn vä” cine k’bäi gui ci. Ibleam gawnu pei, Kur lam ung a yatha ung ani cu k’phleim ci gui. Cun ung phi ani cu ling ne hteit ne, Mekiddo mang gaw ung gawk neta sik ci.

1 SAMUEL 29:6

Achish naw David khü neta, ani am, “Kei naw Israel ah ghing ciah Khanpughi ung aktung ah ka ning pyen nak cu; nang cu kei ung bekhüt ne kei awn a täng ah ka ning hteh sak la shin ung na ng’tuk tu ah phäh ah kei naw ka ning yei nak ci. Kei ah na law ung tün ne, nang ah na hmakat nak cu kei naw kä ka hmuk ci. Cun ung phi a hei ghangpughang gui naw kä ning yum ci gui.

1 SAMUEL 8:6

Ghangpughang vai ami m’thäh ah phäh ah Samuel cu kä yei ci; cun ah kyasei ani cu Bawipa ah

THULÄÄN NAK 11:10

Tuhbäi nangmi naw nami khäm vai ah khaw cu ayan nami om nak tu ah Egypt khaw ah mäih ah kä kyak ci. Acu ah m’shi nami geit ung k’tha na ne tui nami m’hlon vai hlü ci.

THULÄÄN NAK 5:21

“Chang ah chu, chang ah im, chang ah khaw, chang ah changshäm, chang ah sei me la chang ah khawh, a i phi alä ah kä na ng’yak hlü düt vai.

PHYAWN NAK 20:17

Chang ah im, chang chu, chang ah changshäm, chang ah seime la a i pang phi chang ah kaa, kä na ng’yak hlü düt vai.

ATÜNNAK 16:6

Abram naw, “Ani cu nang ah changshäm ah kya ne, nang ah kut kyong ung om ci, ani ah khan ah na bi hlü na bi vai” cine Sarai am pyen nak ci. Cun kawn ah Hakarah cu Sarai naw shedam na khätah dawng ci.

ATÜNNAK 3:6

Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

1 GHANGPUGHANG GUI 21:3

Naboth naw, “Shin ah sapyitduum cu ka pupa gui ah pakhui kam düng ah kyak ci, shin nang am kei naw ka ning pek vai cu Bawipa naw na maa nak ci nei!” cik ci.

1 GHANGPUGHANG GUI 21:6

Ani naw, “Naboth naw ana pyen nak ah phäh ah nei, kei naw a sapyitduum hleih tuba vai ah ka pyen ci, käcung ani naw a yum ung, a hei duum peit tuba vai, ka pyen ci, cun ung phi kä ka gah khai ah ani naw na pyen nak ci!”