1 GHANGPUGHANG GUI 21:11 - Cho Bible Common Language 2016

¹¹ Bawi gui la Jezreela angvai gui naw Jezebela ah thumkhän ah mäih ah bik ci gui.

1 GHANGPUGHANG GUI 21:11 Referans Kwoze

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

MATTHE 2:12

Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

NG'THU K'THUUK~ 29:26

A chang päng naw uktu ah ani nak cu ng’ya hlük ci, cun ung phi taga nak cu Bawipa bäng ung na gah khai.

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

2 SHONTÄP NAK 24:21

Ghangpughang Joash cu Zechariah hnungtuk püi ci gui ung ng’dawn tu neta, ghangpughang ah thuk’bäi awn chang gui naw Taigüim hmun kyong ah Zechariah cu lung awn vawi ne ngawn ci gui.

1 SAMUEL 23:20

Kami Bawi, nang naw a i hlawk ah na pha hlü cu kami hmat ci nei; keimi ah kami khaw ah law ä, nang naw na pha hning vai ah kami bik khai nei” cik ci gui.

1 SAMUEL 22:17

Ani naw a pei ah ng’düi ci gui ah ngäng ci gui am, “Bawipa ah taigüpa gui ngawn gui vä! Ngami cu David awn ng’ge na u ne, ani adawng ah mawng cu avan hmat lang u ne kä na m’thein ci gui.” Cun ung phi Bawipa ah taigüpa ah taigüpa gui ngawn vai ah ami kut ami chan vai ah gakap gui cu mak ci gui.

TAIGÜTHUM 19:15

Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

PHYAWN NAK 1:17

Sayama gui cu Khanpughi kyih aa ci gui ah kya ne, ghangpughang ah ng’thu cu kä ngai ci gui, pami hta gui cu ghin sak ci gui.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

1 GHANGPUGHANG GUI 21:12

Ngami naw ei hlawi nak ah hnüüp cu ng’shäu u neta, chang gui a täng ah khü gui ne, Naboth am m’tam nak ah hmun cu pek ci gui.

ISAIAH 59:14

Taga nak cu k’täm pyi ah kyak ci, düng nak cu kä ng’et law hlant ci. Chang gui ah mawng ng’thumcha nak ung düng nak kä om ci changah lung ang düng nak kä om ci, ba nak cu a cun ah hmun ung kä hmuh nei.